ஸ்ரீரங்கம் திருமங்கையாழ்வார் வேடுபறி எனும் முத்தரையர் பெருவிழா...!!!

ஸ்ரீரங்கம் திருமங்கையாழ்வார் வேடுபறி எனும் முத்தரையர் பெருவிழா...!!!

"வாடினேன், வாடி வருந்தினேன், மனத்தால் பெருந்துயர் இடும்பையில் பிறந்து கூடினேன், கூடி இளையவர்தம்மோடு அவர்தரும் கலவியே கருதி ஓடினேன், ஓடி உய்வதோர் பொருளால் உணர்வெனும் பெரும்பதம் தெரிந்து நாடினேன், நாடி நான் கண்டுகொண்டேன் நாராயணாவெனும் நாமம்" என்று நாராயணனின் நாமத்தை பாடிய திருமங்கையாழ்வாரிடம் "ஓம் நமோ நாராயணா" என்னும் பிரணவ மந்திரத்தை அந்த நாராயணனே உபதேசித்த பெரும்தளமாம் ஸ்ரீ ரங்கத்தில் நேற்று (28.12.2015) நடந்த ராப்பத்து எட்டாம் நாள் விழாவான "வேடுபறி விழா" ஒவ்வொரு முத்தரையனும் வாழ்வில் ஒருமுறையேனும் கலந்துகொள்ள வேண்டிய அவசியமான ஒரு திருவிழா.

விழாவிற்க்கு துவக்கமாக திருமங்கையாழ்வாரின் மரபில் வந்த ஸ்ரீரங்கம் தெப்பக்குளத் தெருவில் வசிக்கும் காவல்காரர் குடும்பமான "பெரியண்ணன் (எ) அரசு முத்துராஜா" குடும்பத்தின் இளைய வாரிசுகள் தங்கள் வீட்டிலிருந்து தாரை, தம்பட்டை, மேளதாளங்கள் உள்ளிட்ட அத்தனை இசைக்கருவிகளும் முழங்க,விண்ணதிரும் வாணவெடிகளோடு, வாள்வீச்சும், சுருள் கம்பியும், வேல்கம்பியும், கம்பும் சுற்றி சுழல "வாள்களோடு" புறப்படுகிறார்கள், ஆயிரக்கணக்கான காவல்துறையினர் முன்னும் பின்னும் அணிவகுக்க‌, தெருமுனையில் இருக்கும் கோயிலுக்கு சென்று வழிப்பட்ட பிறகு தலைப்பாகையை சூடிக்கொண்டு "திருமங்கையாழ்வாராய்" அவர்தம் வாரிசுகள் அதே அத்தனை இசைகருவிகளும் முழங்க ஆயிரக்கணக்கான முத்தரையர் மக்கள் புடைசூழ வீதி வீதியாக வலம் வருகிறார்கள், திரண்டு நின்று வழிப்படும் மக்களின் மரியாதையை ஏற்றுக்கொண்டு ஒவ்வொருவருக்கும் பதில் மரியாதையை செய்துக்கொண்டே வருகிறார் திரு. பெரியண்ணன் முத்துராஜா பல்வேறு வீதிகளை கடந்து ஸ்ரீரங்க நாதரின் ஆலய முகப்பை அடைகின்றனர், 

ஆலயத்தில் கூடி நிற்க்கும் ஆயிரமாயிரம் வெளிநாட்டவர், உள்நாட்டவர் என்று அத்தனை பேரும் பரவசத்தோடு கண்டு மெய்மறந்து நிற்க ஆலயத்துக்குள் ஆர்பாட்டத்தோடு நுழைகிறது "திருமங்கயாழ்வாரின் முத்தரையர் பெரும்படை" உள்ளே நுழைந்த நேராக சந்துனு மண்டபத்தில் வீற்றிருக்கும் திருமங்கையாழ்வாரிடம் ஆயுதங்களை ஒப்படைத்து, அவரையும் கூட்டிக்கொண்டு ஆரியப்பட்டாள் வாசல் வழியாக மணல்வெளிக்கு வருகிறார்கள். 

திருமாலுக்கு தொண்டு செய்தே தனது சொத்துக்களை இழந்த நீலன் என்னும் திருமங்கை மன்னன் ஸ்ரீரங்கத்தில் இருக்கும் இந்த ஆலயத்தை கட்ட துவங்கி தன் சொத்துக்கள் அனைத்தையும் இழந்து ஆலயப்பணி முழுமை பெறாமல் போய்விடுமோ என்று அஞ்சி செல்வந்தர்களிடம் வழிப்பறி செய்தாவது ஆலயப்பணியை நிறைவு செய்திட துணிகிறான், திருமங்கை மன்னனை தடுத்தாட்கொள்ள விரும்பிய பெருமாள் அவரிடம் விளையாட்டு காட்டி மணமகன் வேடம் பூண்டு வீதியில் வர அவரின் பொருட்களை வழிப்பறி செய்கிறார் திருமங்கை மன்னர், எல்லா ஆபரணங்களையும் பறித்தவரால் மணமகன் வேடத்தில் இருந்த பெருமாள் காலில் அணிந்திருந்த நகையை மட்டும் கழற்ற முடியவில்லை, பல்லால் கடித்து கழற்ற முயன்றபோது பகவானின் ஸ்பரிசம் பட்டு தான் வழிப்பறி செய்துக்கொண்டு இருப்பது பெருமானிடம் என்பதை உணர்ந்த நீலன் என்னும் திருமங்கை மன்னன் பெருமாளிடம் சரணகதியாகிறார். 

அப்போதுதான் "ஓம் நமோ நாராயணா" எனும் மந்திரத்தை உபதேசித்து திருமங்கை மன்னனை தன்னுடைய ஆழ்வாராய் பெருமான் ஏற்றுக்கொள்கிறார். இந்த ஒட்டுமொத்த நிகழ்வும் ஆலயத்தின் உள்ளேயுள்ள மணற்வெளியில் பல்லாயிரக்கணக்கான மக்களின் முன்பு நடந்தேறியது. இந்த நிகழ்வுகள் ஒவ்வொன்றையும் காண கண்கோடி வேண்டும்,

இந்த நிகழ்வுகளின் இறுதியில் முத்தரையர் மக்களுக்கு மரியாதை செய்யும் நிகழ்வு தொடங்குகிறது பெரியண்ணன் அரசு மற்றும் அவரது குடும்பத்தார் சுட்டிக்காட்டும் அத்தனை முத்தரையர் மக்களுக்கும் பரிவட்டம் கட்டி பகவாணின் ஸ்பரிசம்பட்ட காய்ந்த மாலைகள், பெருமானின் நெற்றியில் பூசப்பட்டிருந்த சந்தனம் அத்தனையும் வழங்கி மரியாதை செய்யப்படுகிறது, இந்த ஒரு நிகழ்வில் குறிப்பிட்டு சொல்லவேண்டுமானால் முத்தரையர் மக்கள் தவிர வேறு ஒருவருக்கும் இந்த மரியாதை வேடுபறி நிகழ்வில் கிடைக்காது, ( நேற்றைய நிகழ்வில் வெளி மாவட்டத்தில் இருந்து பரிவட்டம் கட்டிய பெருமை என்னை (சஞ்சய்காந்தி அம்பலக்காரர்) மட்டுமே சேரும்.. :) ) இறுதியில் பெருமான் ஆயிரங்கால் மண்டபம் செல்ல வேடுபறி இனிதே நிறைவுற்றது.

ஒவ்வொரு ஆண்டும் வைகுண்ட ஏகாதசி தினத்தில் இருந்து ராப்பத்து நிகழ்வின் எட்டாம் நாள் வேடுபறி நிகழ்ச்சி இனிதே நடந்துகொண்டு இருக்கிறது. முதல்முறையாக இந்த ஆண்டுதான் நான் கலந்துகொண்டேன் என்னோடு சகோதரர் V.J.M.ஹரி, தங்க‌.கோபிநாத், ஆறுமுகம், முருகன், P.நவனீதன் ஆகியோரும் கலந்துகொண்டார்கள் எங்களுக்கு பரிவட்டம் கட்டி அழகுபார்த்த  ஸ்ரீரங்கம் சங்கர் அண்ணனுக்கு இந்த தருணத்தில் நன்றியினையும் தெரிவித்துக்கொள்கிறோம். 

இனி ஒவ்வொரு ஆண்டும் வேடுபறி நிகழ்வில் பெருமிதத்தோடு கலந்துகொள்வோம். 

இறுதியாக : திருமங்கை மன்னன் வழிப்பறி செய்வதனால் அவர் வேறு மரபை சேர்ந்தவர் என்ற தவறான புரிதல் பரவலாக இருப்பதை காண முடிகிறது, அவர் வழிப்பறி செய்தது பெருமானுக்கு ஆலயம் அமைத்திடதானேயன்றி வேறு நோக்கம் இல்லை, அவர் முற்று முழுதாக "முத்தரையர்" சமூக்த்தின் பெருமைமிகு மன்னன் மற்றும் ஆழ்வார் என்பதில் மாற்றுக்கருத்து இனியும் இங்கு நீடிக்ககூடாது ஆகவே வரலாற்றை சரியாக புரிந்து, புரியாதவர்களுக்கு விளக்கமளிக்க வேண்டியது ஒவ்வொரு முத்தரையரின் கடமை என்பதை உணரவேண்டும். 

பக்தியுடன்.... 

சஞ்சய்காந்தி அம்பலக்காரர் 

 திரு. பெரியண்ணன் (எ) அரசு முத்துராஜாவுடன் நான்....

வேடுபறி உற்சவம்: முத்தரையர் விழா

திருமங்கையாழ்வார் (முத்தரையர்) தொடங்கிய திருவிழா...

அரங்கனின் அத்யயன உற்சவம்.(வைகுண்ட ஏகாதசி)

வருகின்ற திங்கட்கிழமை (28.12.2015) அன்று வேடுபறி நிகழ்ச்சி ஶ்ரீரங்கம் ரெங்க நாத சுவாமி திருக்கோவிலில் நடக்க இருக்கிறது.

//ஏகாதசி

இந்த மிகவும் முக்கியமான திருவிழா, தமிழ் மாதம் மார்கழியில் (டிசம்பர் – ஜனவரி) முழு இருபத்தொரு நாட்கள் பகல் பத்து, இரவு பத்து என இரண்டாகப் பிரிந்து ஆடம்பரமாக கொண்டாடப்படுகிறது. ஏகாதசி தினத்தில், ரங்கநாதப் பெருமாள் அற்புதமான அலங்கார ஆடையணிந்து, பரமபத வாசல் வழியாக ஒரு மகத்தான ஊர்வலத்தில் பவனி வந்து, இந்தியா மற்றும் வெளிநாடுகளிலிருந்து வந்திருக்கும் இலட்சக்கணக்கான பக்தர்களின் மகிழ்ச்சி ஆரவாரம் மற்றும் பரவசத்திற்கிடையே ஆயிரங்கால் மண்டபத்தில் உள்ள திருமாமணி மண்டபத்தை அடைகிறார். இந்த தருணம், கோயிலில் நடத்தப்படும் அனைத்து திருவிழாக்களிலும் உச்சித் தருணமாகும். எல்லா நாட்களில் இந்த நாளில் மட்டுமே ரங்கநாத பெருமாள் உண்மையான, நிஜமான இராஜாவாகிறார் மற்றும் இவர், ஶ்ரீ ரங்கராஜர் எனப்படுகிறார். பிரத்யேகமாக எழுப்பப்பட்டு, அருமையாக அலங்கரிக்கப்பட்ட ஒரு பந்தல் மூலம் விஸ்தரிக்கப்பட்ட பிரம்மாண்டமான ஆயிரங்கால் மண்டபத்தில் தனது தெய்வத்திரு தர்பாரை ரங்கராஜா நடத்துகிறார், நாள் முழுக்க நாளாயிர திவ்யப்பிரபந்தம் ஓதப்படுகிறது மற்றும் பின்னிரவில் மட்டுமே அவர் கோயிலுக்கு திரும்புகிறார். அலைமோதும் பக்தர்கள் கூட்டம், விடியற்காலை முதல் நள்ளிரவு வரை விடாமல் வந்து சென்ற வண்ணம் இருக்கிறார்கள். இடைவிடாமல் பஜனைகளில் ஈடுபட்டுக்கொண்டும், நாள்முழுக்க உண்ணா நோண்பிருந்து கொண்டும் மற்றும் இரவு முழுக்க இடையறாமல் தூங்காமல் விழித்துக் கொண்டுமிருக்கும் பக்தர்கள் குழுவின் துடிப்புமிக்க ஜால்ரா இசைக்கு பாடிக்கொண்டும் மற்றும் ஆடிக்கொண்டும் இருந்தனர். உண்மையிலேயே, இது கடவுள்கள் காணவேண்டிய காட்சியாகும். உண்மையிலேயே மண்ணுலகில் ஒரு சொர்க்கலோகமாகும்! //

// வேடுபறி உற்சவம்: முத்தரையர் விழா

திருமங்கை மன்னன் தன் சொத்து முழுவதையும் ரங்கநாதரின் திருப்பணிக்கே செலவிட்டார். ஒருசமயம்,
கோவிலுக்கு திருமதில் எழுப்பும் பணியில் ஈடுபட்டார். பணம் காலியாகி விட்டது.

எனவே பணக்காரர்களிடம் கொள்ளையடிக்க ஆரம்பித்தார். அவரை நல்வழிப்படுத்த விரும்பிய பெருமாள், தாயாருடன் புதுமணத் தம்பதி
போல ஒரு மாட்டு வண்டியில் வந்தார். திருமங்கை மன்னன், அவர்களைத் தடுத்து, அவர்களிடம் இருந்த பொன், பொருளைக் கழற்ற வைத்தார். மணமகனின் கால் விரலில் கிடந்த மெட்டியை கழற்ற முயன்றார்.

முடியாததால், பல்லால் கடித்து இழுக்க முயன்றார். திருமாலின் திருவடி ஸ்பரிசத்தால், மன்னனுக்கு ஞானம் உண்டானது. உடனே "வாடினேன் வாடி' என்று தொடங்கும் பாசுரத்தைப் பாடினார். இதையடுத்து, திருமங்கை மன்னனை, பெருமாள் ஆழ்வாராக ஏற்றுக் கொண்டார். இந்த நிகழ்ச்சி நடந்த நன்னாளை "வேடுபறி உற்சவம்' என்ற பெயரில் கொண்டாடுவர்.

ஆழ்வாராக திருமங்கை மன்னனை ஏற்ற மகிழ்ச்சியில், பெருமாள் குதிரை வாகனத்தில் அங்குமிங்கும் துள்ளி விளையாடுவார். டிச. 28 ல் இந்த நிகழ்ச்சி நடக்கிறது. //

நன்றி..! நன்றி..!!

நன்றி..! நன்றி..!!

நேற்று தஞ்சாவூர் மாவட்ட ஆட்சியரின் கவனத்திற்க்கு இந்த பிரச்சனையை கொண்டு சென்றோம், மிகுந்த கவனமுடன் கேட்டுக்கொண்ட மாவட்ட ஆட்சியர் தவறு நேர்ந்திருக்கிறது, இரண்டொரு நாளில் சரி செய்துவிடுவோம் என்று உத்திரவாதம் தந்திருக்கிறார்,

இந்த பிரச்சனையை மாவட்ட ஆட்சியரின் நேரடி கவனத்திற்க்கு கொண்டு செல்ல வேண்டும் என்று சொன்னவுடன் வேறு பணிகளை எல்லாம் தூக்கியெறிந்துவிட்டு அழைத்தவுடன் ஆட்சியர் அலுவலகம் வந்த திரு. எஸ்.எம்.மூர்த்தி அவர்களுக்கும், புலவர் திரு. கூ.மாரிமுத்து அவர்களுக்கும் இந்த தருணத்தில் நன்றியை உரித்தாக்குகிறோம். 

-சஞ்சய்காந்தி அம்பலக்காரர்
-----------------------------------------------------------

நாள் : 22/12/2015

பெறுனர் :
உயர்திரு. மாவட்ட ஆட்சியர் அவர்கள்
தஞ்சாவூர் மாவட்டம்

அனுப்புதல் :
கா.சஞ்சய்காந்தி அம்பலக்காரர்,
சிவன் கோவில் தெரு, பழஞ்சூர் -அஞ்சல்,
பட்டுக்கோட்டை-தாலுகா,
தஞ்சாவூர் மாவட்டம் - 614 701
Mobile No : 0091-9159168228
E-mail : sanjai28582@gmail.com


மதிப்பிற்குறிய மாவட்ட ஆட்சியர் அவர்களுக்கு,
வணக்கம், நம்முடைய தஞ்சாவூர் மாவட்ட நிர்வாகத்திற்காக ஏற்படுத்தப்பட்ட http://www.thanjavur.tn.nic.in/ என்ற இந்த இணையதளத்தில் தஞ்சாவூர் மாவட்டத்தினுடைய, நகரினுடைய வரலாறு எழுதப்பட்டு இருக்கிறது அதில் பகுத்தறிவுக்கு ஏற்புடையதாக இல்லாத, ஆதாரமற்ற வரலாற்று செய்தியாக "தஞ்சன்" என்ற அரக்கன் இருந்தானாம், என்ற ரீதியில் சிறுவர்கதை போல வரலாறு எழுதப்பட்டு ஒரு இராஜ வம்சத்தில் வரலாற்றை மறைக்கும் முயற்சியை உங்களுக்கு தெரிந்தோ, தெரியாமலோ நடத்தி இருக்கிறார்கள்,
தஞ்சாவூர் என்பது தனஞ்சயன் முத்தரையர் என்ற முத்தரையர் அரசனுடைய காலத்தில் ஏற்படுத்தப்பட்ட நகரம் என்று பல்வேறு வரலாற்று அறிஞர்களும் எழுதியிருக்கிறார்கள், அந்த வரலாற்றை கவனத்தில் கொள்ளாமல் பகுத்தறிவுக்கு ஒவ்வாத அரக்கன் கதையை அளக்கும் இடமாக மாவட்ட நிர்வாகத்தின் இணையதளம் காட்சியளிப்பது இந்த மாவட்டத்தை சேர்ந்தவன் என்ற முறையில் மிகுந்த வருத்தம் தரக்கூடியதாக இருக்கிறது.

அதே வரலாற்று பக்கத்தில் தஞ்சை மண்ணை சோழர், பாண்டியர், நாயக்கர், மராட்டியர், ஆங்கிலோயர் ஆண்டதாக எழுதி ஒரே ஒரு மன்னர் வம்சத்தை அதாவது இந்த நகரத்தை நிர்மானித்த "முத்தரையர்கள்" ஆண்ட செய்தியினை இரட்டிப்பு செய்திருக்கிறார்கள், வரலாறும், கல்வெட்டுகளும் பெரும்பிடுகு முத்தரையர் வசமிருந்து விஜயாலய சோழன் கைப்பற்றியே பிற்கால சோழர் ஆட்சி தொடங்கியதாக இருக்கும்போது வரலாற்று திரிபு வேலைகளில் மாவட்ட நிர்வாகமே ஈடுபடுவதை ஏற்றுக்கொள்ள முடியவில்லை.
இதுவரை உங்கள் கவனத்திற்க்கு இந்த விசயம் வராமல்கூட இருக்க முடியும், இனியும் தாமதிக்காமல் அந்த தவறுகளை திருந்த மாண்புமிகு மாவட்ட ஆட்சியர் அவர்கள் உத்தரவிட வேண்டுமாய் பணிவுடன் வேண்டுகிறேன்.


தங்கள்
கா. சஞ்சய்காந்தி அம்பலக்காரர்


நாள் : 22/12/2015

இடம் : தஞ்சாவூர்
------------------------------------------------------------------
http://www.thanjavur.tn.nic.in/history.html

கேள்விகள்....???

கேள்விகள்....???

மிக சமீபத்திய அரசியல் செயல்பாடுகள், நிலைப்பாடுகள், போராட்டங்கள், தலைவர்கள் பற்றிய சந்தேகங்கள், நீண்ட நாள் மனதில் இருக்கும் சந்தேகங்கள், என்று ஒவ்வொரு முத்தரையர் மனதிலும் நிறைய கேள்விகள் தினமும் உதித்துக்கொண்டு  இருப்பதை சமீபத்திய சமூக வலைத்தளப் பதிவுகளை காணும்போது தெரிகிறது. அத்தகைய கேள்விகள் பெரும்பாலும் பிரிவினைக்கும், தவறான புரிதலுக்கும் வழிவகுக்கிறது அதனை தவிர்க்க ஒரு முத்தரையனாக எனக்கும் கடமை இருக்கிறது.

ஒவ்வொரு கேள்விகளுக்கும் தொடர்பற்றவர்கள் பதிலளிப்பதனால் சண்டை சச்சரவுகள் வருவதும் வாடிக்கையாகிவிட்டது, இதனை தவிர்க்க ஒரு புதிய முயற்சியை மேற்கொள்ள நினைக்கிறேன்.

யாரை நோக்கி கேள்விகள் பிறக்கின்றனவோ, அவர்களிடமே தெளிவு பெற்றால் என்ன..?  யாரைக்குறித்து கேள்வி எழுப்பப்படுகிறதோ அவர்களே விளக்கம் சொன்னால் தவறான புரிதல்கள், விஷம பிரச்சாரங்கள், புரளிகளை களைந்து ஆரோக்கியமான சமுதாய வளர்ச்சியை நோக்கி நாம் பயணிக்க முடியும்.

இதில் அய்யா ஆர்.வி, திரு. கே.கே.செல்வகுமார், திரு. அருணாசலம், திரு. சரவணன், திரு. எஸ்.எம்.மூர்த்தி, திரு. வெள்ளைத்துரை, திரு.மாறன் உட்பட அனைத்து தலைவர்களிடமும் (என்னிடம் எதுவும் கேட்க விரும்பினால் அதையும் கேளுங்கள் :p ) நீங்கள் கேள்விகளை கேளுங்கள் அவற்றை தொகுத்து அவர்களிடம் கொடுத்து பதிலினை பெற முயற்சிப்போம்.

தெளிவு பெற முயற்சிப்போம்.

கீழ்கண்ட விதிகளை பின்பற்றி கேள்விகளை கேளுங்கள்:

• எந்த தலைவரிடம் / அமைப்பிடம் கேள்வி கேட்க விரும்புகிறீர்கள்..?
• கேள்வி என்ன..?
• அதிகபட்சமாக ஒருவர் 5 கேள்விகளை முன் வையுங்கள்
• அதிகமாக ஆக்கப்பூர்வமான கேள்விகளை முன் வையுங்கள்
• நாகரீகமான / தனி நபர் விமர்சனமற்ற கேள்விகளை முன் வையுங்கள்
• தெளிவு பெற விரும்பும் கேள்விகளை மட்டும்முன் வையுங்கள்

ஆரோக்கியமான சமூகத்தை கட்டியமைக்க உதவுங்கள்

அன்புடன்
சஞ்சய்காந்தி அம்பலக்காரர்
ஒருங்கிணைப்பாளர்
இளம் சிங்கங்களின் எழுச்சி இயக்கம்

‘அமைச்சர் காமராஜின் உறவினர்’ அதிமுக பிரமுகரின் தம்பி வெட்டிக்கொலை

‘அமைச்சர் காமராஜின் உறவினர்’ அதிமுக பிரமுகரின் தம்பி வெட்டிக்கொலை

முத்துப்பேட்டை: முத்துப்பேட்டை அருகே அதிமுக பிரமுகரின் தம்பி சரமாரியாக வெட்டி கொல்லப்பட்டார். கிறிஸ்தவ தேவாலயத்திற்குள் அவரது சடலம் கிடந்தது. திருவாரூர் மாவட்டம் முத்துப்பேட்டை அடுத்த கோவிலூர் வடகாட்டை சேர்ந்தவர் மதன்(44). இவரது அண்ணன் ஜெகன் அதிமுக ஒன்றிய கவுன்சிலராகவும், தொகுதி அதிமுக இணை செயலாளராகவும் உள்ளார். இவர்கள் அமைச்சர் காமராஜின் உறவினர்கள் என்று கூறப்படுகிறது.நேற்று இரவு மதன் முத்துப்பேட்டை கடைத்தெருவுக்கு வந்தார். பின்னர் பைக்கில் வீடு திரும்பி கொண்டிருந்தார். சித்தேரி குளத்தை தாண்டி புனித அந்தோணியார் கோயில் அருகில் சென்றபோது, பின்னால் வந்த கார் பைக் மீது மோதியது.மதன் நிலைகுலைந்து கீழே விழுந்தார். காரில் இருந்த இறங்கிய கும்பல் அவரை விரட்டியது. மதன் பைக்கை அங்கேயே போட்டு விட்டு தப்பி ஓடினார். மர்ம கும்பல் அவரை விரட்டி சென்றது.

அதன் பின்னர் அவரது கதி என்ன ஆனது என தெரியவில்லை. தகவலறிந்த அவரது உறவினர்கள் முத்துப்பேட்டை போலீஸ் நிலையத்தை நள்ளிரவில் முற்றுகையிட்டனர்.உடனடியாக மதனை கண்டுபிடிக்க வேண்டும் என அவர்கள் வலியுறுத்தினர். தகவலறிந்த தஞ்சை டிஐஜி செந்தில்குமார், நாகை எஸ்பி அபிநவ்குமார், ஏடிஎஸ்பிக்கள் தஞ்சை ராஜேந்திரன், திருவாரூர் முத்தரசு மற்றும் ஆயிரக்கணக்கான போலீசார் முத்துப்பேட்டையில் குவிந்தனர்.தஞ்சை, நாகை, திருவாரூர் ஆகிய 3 மாவட்டங்களிலும் பல இடங்களில் போலீசார் தீவிர தேடுதல் வேட்டை நடத்தியும் மதனை பற்றி எந்தவித தகவலும் கிடைக்கவில்லை.இன்று அதிகாலை அவரது பைக் அனாதையாக கிடந்த இடத்தின் அருகில் உள்ள புனித அந்தோணியார் தேவாலயத்திற்குள் சென்று பார்த்தபோது, மதன் சடலமாக கிடப்பது தெரிய வந்தது.

அவரது தலை, கழுத்து, கால், கை உள்பட உடலின் பல இடங்களில் வெட்டு விழுந்து இருந்தது. தலையே இல்லாத அளவுக்கு சரமாரியாக வெட்டியுள்ளனர். காரில் இருந்து இறங்கிய கும்பலிடம் இருந்து தப்பிக்க மதன் தேவாலயத்தின் காம்பவுண்ட் சுவர் ஏறி குதித்துள்ளார்.இந்நிலையில் சேற்றில் சிக்கி கொண்ட அவரை கும்பல் சூழ்ந்து கொண்டு சரமாரியாக வெட்டியது விசாரணையில் தெரிய வந்தது. கடந்த 3 மாதங்களுக்கு முன் கோவிலூர் மணல்மேட்டை சேர்ந்த வீரபாண்டியன்(35) என்பவர் குளத்தில் மீன் பிடித்து கொண்டிருந்தபோது வெட்டி கொல்லப்பட்டார்.

இவ்வழக்கில் மதன் முதல் குற்றவாளியாக சேர்க்கப்பட்டார். அவர் முன் ஜாமீன் பெற்று வெளியில் இருந்து வந்தார். எனவே வீரபாண்டியன் கொலைக்கு பழிக்கு பழியாக மதன் கொலை செய்யப்பட்டாரா என்ற கோணத்திலும் போலீசார் விசாரணை நடத்தி வருகின்றனர்.மதனின் அண்ணன் ஜெகன் முத்துப்பேட்டை போலீசில் கொடுத்த புகார் மனுவில், கோவிலூரை சேர்ந்த ராஜேஷ், சரவணன், வினோத், இளஙகோவன், மந்திரமூர்த்தி, அய்யப்பன், செல்வராஜ், உப்பூரை சேர்ந்த சுதாகர், ஆலங்காட்டை சேர்ந்த மனோகர், மருதங்காவெளியை சேர்ந்த மாரிமுத்து ஆகியோரது பெயர்களை குறிப்பிட்டுள்ளார்.அதன்பேரில் போலீசார் வழக்கு பதிவு செய்துள்ளனர். சந்தேகத்தின்பேரில் 2, 3 பேரை பிடித்து விசாரணை நடத்தி வருகின்றனர். இதையடுத்து முத்துப்பேட்டையில் ஏராளமான போலீசார் குவிக்கப்பட்டு பாதுகாப்பு பணியில் ஈடுபட்டுள்ளனர்.இதனால் அங்கு பதற்றமான சூழ்நிலை நிலவுகிறது.


News Source : http://www.tamilmurasu.org/Tamil_News_Details.asp?Nid=84841

வரலாறு சொல்லும் 'வரலாறு'

இந்தியாவின் வரலாற்றை எழுதுவதற்கு முதன்மைத் தரவாக விளங்கும் கல்வெட்டுகள் தமிழ்நாட்டில்தான் அதிகம் கிடைக்கின்றன. ஆனால் அவற்றைப் படியெடுத்துத் தொகுத்து ஆவணப்படுத்தும் பணி அரசாங்கத்துக்கு முக்கியமானதாகப் படவில்லை. அரசாங்கத்தின் தொல்லியல் துறையைவிட இதில் ஆர்வமுள்ள தனி நபர்களின் பங்களிப்பே அதிகம். அதற்கு சாட்சியாக இருப்பது 'வரலாறு' என்னும் இதழ். 

1993 ஆம் ஆண்டு துவக்கப்பட்ட அந்த இதழ் இப்போது வெள்ளிவிழா கண்டு 25 ஆவது இதழ் வெளிவந்திருக்கிறது. டாக்டர் ராசமாணிக்கனார் வரலாற்று ஆய்வு மையத்தின் சார்பில் ஆவணம் இதழ் துவக்கப்பட்டு இரண்டு இதழ்கள் வெளிவந்த பிறகு அதன் ஆசிரியர் குழுவினரிடையே ஏற்பட்ட கருத்து மாறுபாடு காரணமாக இந்த வரலாறு இதழ் துவக்கப்பட்டதென திரு கலைக்கோவன் குறிப்பிட்டிருக்கிறார். அவர்தான் இதன் பொறுப்பாசிரியர். திருமதி நளினி, திருமதி அகிலா ஆகியோர் இணையாசிரியராகவும், துணையாசிரியராகவும் இருக்கின்றனர். இந்த மூவர் குழுவின் பணி மலைக்க வைக்கிறது. 

வரலாறு 25 ஆவது இதழில் 13 புதிய கல்வெட்டுகள் பதிப்பிக்கப்பட்டுள்ளன. முத்தரையர் காவல் உரிமைச் செப்பேட்டில் இருக்கும் செய்தி பதிவுசெய்யப்பட்டுள்ளது. அது நீண்டதொரு வரலாற்றை சிறு கதையின் சுவாரசியத்தோடு கூறுகிறது. 

திருச்சிராப்பள்ளி மாவட்ட கோயில் கட்டடக் கலை என்ற தலைப்பில் மு.நளினி ஆற்றிய சொற்பொழிவு நிறைய தகவல்களைக் கூறுகிறது.  குடைவரை, கற்றளி,மாடக்கோயில் என மூன்றாக வகைப்படுத்திக்கொண்டு அம்மாவட்டத்தில் இருக்கும் கோயில்கள் குறித்து அவர் விவரித்திருக்கிறார். திருச்சிராப்பள்ளியில் இரண்டு, வெள்ளாறையில் இரண்டு, பைஞ்ஞீலியில் ஒன்று என இந்த மாவட்டத்தில் ஐந்து குடைவரைகள் இருப்பதாக அவர் குறிப்பிடுகிறார். கிபி ஏழு, எட்டாம் நூற்றாண்டுகளைச் சேர்ந்த இந்தக் குடைவரைகளை நாமும் பார்க்கவேண்டும் என்ற ஆவலைத் தூண்டுகிறது இந்தச் சொற்பொழிவு. 

இந்த இதழில் திரு கலைக்கோவனின் நாட்குறிப்புகளின் தொகுப்பு போன்ற ஒரு கட்டுரை உள்ளது. அது அதிகமான பக்கங்களை ஆக்கிரமித்திருப்பது இதழின் நோக்கத்தை நீர்த்துப்போகச்செய்து திசைதிருப்புவதாக உள்ளது. 

கல்வெட்டுகளில் ஆர்வம் கொண்டவர்கள் இந்த இதழை அறிவார்கள். மற்றவர்களும்கூட இதைப் படித்துப் பயனுறவேண்டும். 

News Source : http://nirappirikai.blogspot.in/

ஜூனியர் விகடன்

நக்கீரன்

அரசியல் கடிவாளம்

துண்டு பிரசுரம்

நம்ம அடையாளம்

கலைஞர் கருணா நிதி அறிக்கை

கேள்வி :- புதுக்கோட்டையில் அமைச்சர் ஒருவர் சமூக அமைதியை சீர்குலைக்க முயலும் வகையில் கருத்துத் தெரிவித்து, அதன் விளைவாக போராட்டம் எல்லாம் நடைபெற்றிருக்கிறதே?

ஏடுகளில் எல்லாம் அந்தச் செய்தி பெரிதாக வந்துள்ளது. ஆனால் அ.தி.மு.க. தலைமை, குறிப்பிட்ட ஒரு பிரிவினரை இழிவு படுத்திப் பேசிய அந்த அமைச்சர் மீது நடவடிக்கை எடுக்காமல், போராடிய தரப்பினரை கைது செய்த தோடு, அவர்களுக்குத் தலைமை வகித்த ஆளுங் கட்சியைச் சேர்ந்தவர்கள் மீதே நடவடிக்கை எடுத்துள்ளது. இதிலிருந்து ஒரு தரப்பினரை தரக் குறைவாகப் பேசிய அந்த அமைச்சருக்கு ஆளுங் கட்சியும், இந்த அரசும் ஆதரவு தெரிவிக்கிறதோ என்ற சந்தேகம்தான் அனைவருக்கும் ஏற்பட்டுள்ளது.

விஜயபாஸ்கர் விவகாரம்... அதிமுகவுக்கு இனி முத்தரையர் ஓட்டு கிடையாது... தோற்கடிக்கப் போவதாக தீர்மானம்!

புதுக்கோட்டை: முத்தரையர் சமூகத்தை இழிவாக பேசிய அமைச்சர் விஜயபாஸ்கர் மீது நடவடிக்கை எடுக்காததால் வரும் சட்டசபை தேர்தலில் அ.தி.மு.க.வுக்கு வாக்களிக்கப்போவதில்லை என்றும் அக்கட்சியை தோற்கடிப்போம் எனவும் முத்தரையர் சமூகத்தினர் தீர்மானம் நிறைவேற்றியுள்ளனர். புதுக்கோட்டை மாவட்டம் கறம்பக்குடி ஒன்றிய தலைவர் கெங்கையம்மாள், அவரது கணவரும் கருப்பட்டிப்பட்டி ஊராட்சி தலைவருமான சொக்கலிங்கம் உள்ளிட்டோர் கடந்த மாதம் 25-ந் தேதி விராலிமலையில் உள்ள சுகாதாரத் துறை அமைச்சர் விஜயபாஸ்கரின் வீட்டுக்குச் சென்றுள்ளனர். தங்களது பகுதியில் தாய்சேய் நல விடுதி அமைக்க விஜயபாஸ்கரிடம் கோரிக்கை விடுத்தனர். அப்போது கெங்கையம்மாளை ஜாதி பெயர் சொல்லி விஜயபாஸ்கர் திட்டியதாக முத்தரையர் சமூகத்தினர் குற்றம்சாட்டி வருகின்றனர். இதனால் விஜயபாஸ்கரை அமைச்சர் பதவியில் இருந்து நீக்கக் கோரி போராட்டமும் நடத்தினர். ஆனால் கெங்கையம்மாள், அவரது கணவர் சொக்கலிங்கம் ஆகியோர் அ.தி.மு.கவைவிட்டே நீக்கப்பட்டனர். இது அச்சமூகத்தினரிடத்தில் அதிர்ச்சியையும் அதிருப்தியையும் ஏற்படுத்தியது. இந்நிலையில் புதுக்கோட்டை கொத்தமங்கலத்தில் முத்தரையர் சங்க கூட்டமைப்பின் கூட்டம் நடைபெறும் என தெரிவிக்கப்பட்டிருந்தது. ஆனால் போலீசார் நெருக்கடி கொடுத்ததால் அனைத்து முத்தரையர் சங்கங்களின் கூட்டமைப்பு ஆலோசனைக் கூட்டம் மறமடக்கி என்ற இடத்தில் நடைபெற்றது. அக்கூட்டத்தில் நிறைவேற்றப்பட்ட தீர்மானங்கள் விவரம்: - கறம்பக்குடி ஒன்றிய பெருந்தலைவர் கெங்கையம்மாள் சொக்கலிங்கத்தை சாதி பெயர் சொல்லி தரக்குறைவாக பேசிய அமைச்சர் விஜயபாஸ்கர் மீது நடவடிக்கை எடுக்காத அதிமுக பொதுச்செயலாளர் ஜெயலலிதா, புகார் சொன்னவர்கள் மீது நடவடிக்கை எடுத்ததை கண்டித்து முத்தரையர் சமூகத்தை சேர்ந்த அதிமுக உறுப்பினர்கள் 5 லட்சம் பேரின் உறுப்பினர் அட்டையை தலைமைக்கு அனுப்ப பிரச்சார இயக்கம் நடத்துவது மற்றும் அனுப்புவது. - சாதி, மத, இன, மொழி துவேசத்தில் ஈடுபட மாட்டேன் என்ற உறுதிமொழி எடுத்து பதவியேற்ற அமைச்சர் விஜயபாஸ்கர் "சாதி துவேசத்தில்" ஈடுவடுவதை கண்டிக்காத மற்றும் நடவடிக்கை எடுக்காத தமிழக முதல்வர் மீது நம்பிக்கை இழந்து ஆளுநரிடம் புகார் கொடுத்து அமைச்சர் பதவியில் இருந்து நீக்க கோருவது, தவறும் பட்சத்தில் சென்னையில் 50 ஆயிரம் முத்தரையரை திரட்டி ஆளுநர் மாளிகையை முற்றுகையிடுவது. - பேரரசர் பெரும்பிடுகு முத்தரையருக்கு திருச்சியில் சிலை அமைத்துக்கொடுத்து 20 ஆண்டுகளாக முத்தரையர் மக்களை வெறும் ஓட்டுவங்கியாக பயன்படுத்தி வரும் அதிமுக உடனடியாக பேரரசர் சிலையை திரும்ப பெற்றுக்கொள்ள வேண்டும், சிலையை எங்கள் சமூகமே அமைத்துக்கொள்ளும். - நீண்டகாலமாக வஞ்சிக்கப்படும் முத்தரையர் சமூகத்த்தின் 29 உட்பிரிவுகளையும் இணைத்து 15% தனி இடஒதுக்கீட்டு கோரிக்கையையும் முன்வைத்து போராட்டத்தை தீவிரபடுத்துவது ஆகிய தீர்மானங்கள் நிறைவேற்றப்பட்டன.

News Source : ONE INDIA

அதிமுகவை தோற்கடிப்போம்: அனைத்து முத்தரையர் சங்கங்களின் கூட்டமைப்பு தீர்மானம்

புதுக்கோட்டை மாவட்டம், கொத்தமங்கலத்தில் நடைபெறுவதாக இருந்த அனைத்து முத்தரையர் சங்கங்களின் கூட்டமைப்பு ஆலோசனைக் கூட்டம் காவல்துறை மற்றும் ஆளும்கட்சியின் நெருக்கடி காரணமாக 15.11.2015 ஞாயிற்றுக்கிழமை மறமடக்கியில் நடந்தது, 

 

"அனைத்து முத்தரையர் சங்கங்களின் கூட்டமைப்பு" நடத்திய இந்த ஆலோசனை கூட்டத்தில் தமிழ்நாடு முத்தரையர் சங்கத்தின் பொதுச்செயலாளர் மரு.பாஸ்கரன், முத்தரையர் கூட்டமைப்பு ஒருங்கிணைப்பாளர்கள் ஜெயக்குமார், திருக்கட்டளை பாலா, இளம் சிங்கங்களின் எழுச்சி இயக்கத்தின் ஒருங்கிணைப்பாளர் கா.சஞ்சய்காந்தி மற்றும் பல்வேறு இயக்கங்களின் மாவட்ட அமைப்பாளர்கள் கலந்து கொண்டனர்.

ஏற்கனவே புதுக்கோட்டை திருவரங்குளத்தில் நடந்த கூட்டத்தில் நிறைவேற்றப்பட்ட தீர்மானங்களான கீழ்கண்ட தீர்மானங்களை ஒருமனதாக ஏற்றுக்கொள்வதாக கூட்ட தீர்மானம் நிறைவேற்றியது. கூடுதலாக விரைவில் அமைச்சர் பதவியில் இருந்து விஜயபாஸ்கரை நீக்காவிட்டால் வரும் 2016 சட்டமன்ற தேர்தலில் புதுக்கோட்டை மாவட்டத்தில் இருக்கும் அனைத்து தொகுதிகளிலும், முத்தரையர்களை வேட்பாளராக அறிவித்தாலும் அதிமுகவை தோற்கடிப்பது என்றும் தீர்மானம் நிறைவேற்றப்பட்டது.

1. கறம்பக்குடி ஒன்றிய பெருந்தலைவர் திருமதி. கெங்கையம்மாள் சொக்கலிங்கத்தை சாதி பெயர் சொல்லி தரக்குறைவாக பேசிய அமைச்சர் விஜயபாஸ்கர் மீது நடவடிக்கை எடுக்காத அதிமுக பொதுச்செயலாளர் புகார் சொன்னவர்கள் மீது நடவடிக்கை எடுத்ததை கண்டித்து முத்தரையர் சமூகத்தை சேர்ந்த அதிமுக உறுப்பினர்கள் 5 லட்சம் பேரின் உறுப்பினர் அட்டையை தலைமைக்கு அனுப்ப பிரச்சார இயக்கம் நடத்துவது / அனுப்புவது.

2. சாதி, மத, இன, மொழி துவேசத்தில் ஈடுபட மாட்டேன் என்ற உறுதிமொழி எடுத்து பதவியேற்ற அமைச்சர் விஜயபாஸ்கர் "சாதி துவேசத்தில்" ஈடுவடுவதை கண்டிக்காத / நடவடிக்கை எடுக்காத தமிழக முதல்வர் மீது நம்பிக்கை இழந்து ஆளுனரிடம் புகார் கொடுத்து அமைச்சர் பதவியில் இருந்து நீக்க கோருவது, தவறும் பட்சத்தில் சென்னையில் 50 ஆயிரம் முத்தரையரை திரட்டி ஆளுனர் மாளிகையை முற்றுகையிடுவது. 

3. பேரரசர் பெரும்பிடுகு முத்தரையருக்கு திருச்சியில் சிலை அமைத்துக்கொடுத்து 20 ஆண்டுகளாக முத்தரையர் மக்களை வெறும் ஓட்டுவங்கியாக பயன்படுத்தி வரும் அதிமுக உடனடியாக பேரரசர் சிலையை திரும்ப பெற்றுக்கொள்ள வேண்டும், சிலையை எங்கள் சமூகமே அமைத்துக்கொள்ளும். 

4. பேராட்டத்தின் கோரிக்கையில் நீண்டகாலமாக வஞ்சிக்கப்படும் முத்தரையர் சமூகத்த்தின் 29 உட்பிரிவுகளையும் இணைத்து 15% தனி இடஒதுக்கீட்டு கோரிக்கையையும் முன்வைத்து போராட்டத்தை தீவிரபடுத்துவது ஆகிய தீர்மானங்கள் நிறைவேற்றப்பட்டது.

பகத்சிங்

News Source : நக்கீரன்