முப்பெரும் விழா

புதுச்சேரி : புதுச்சேரி போதி பதிப்பகம் சார்பில் கண்ணதாசன் 85வது பிறந்தநாள், கவியரங்கம், விருது வழங்குதல் ஆகிய முப்பெரும் விழா நடந்தது. முத்தரையர்பாளையம் முத்தரையர் ஆங்கில மேல்நிலைப் பள்ளியில் நடந்த விழாவிற்கு கண்ணதாசன் பதிப்பக முதன்மை மேலாளர் மரியவிசுவாசம் தலைமை தாங்கினார். கவிஞர் வசீகரன் வரவேற்றார். ஈரோடு ராஜேந்திரன் முன்னிலை வகித்தார். நிகழ்ச்சியில் தாலாட்டு, காதல், பெண்மை, மனிதநேயம், தேசியம், சமுதாயம், தத்துவம் உள்ளிட்ட தலைப்புகளில் கவிஞர்கள் கவிதை வாசித்தனர். கவிஞர்களுக்கு பரிசுகள் வழங்கப்பட்டன.கவிஞர் செல்வக்குமார் நன்றி கூறினார்.

திருச்சி அருகே இரு கிராம மக்களிடையே மோதல்: போலீஸார் குவிப்பால் பரபரப்பு

முசிறி: திருச்சி மாவட்டம், முசிறி வட்டம், தா.பேட்டை யூனியனில் உள்ள மங்கலம் கிராமத்தில் முத்தரையர் இன மக்கள் அதிகம் வசிக்கின்றனர். இக்கிராமத்தின் அருகிலுள்ள துலையாநத்தம் கிராமத்தில் 300 குடும்பங்களை சேர்ந்த தாழ்த்தப்பட்ட மக்கள் வசிக்கின்றனர்.
கடந்த மூன்று நாட்களுக்கு முன் மங்கலம் கிராமத்தில் ஸ்ரீமகா மாரியம்மன் கோவில் திருவிழா துவங்கியது. நேற்று முன்தினம் இரவு நடந்த ஆடல், பாடல் நிகழ்ச்சியின் போது, தாங்கள் கூறும் பாடல் தான் வேண்டும் என்று துலையாநத்தம் கிராம வாலிபர்கள் பிரச்னை செய்துள்ளனர். இதனால், மங்கலம் கிராமத்தை சேர்ந்தவர்களுக்கும், துலையாநத்தத்தை சேர்ந்தவர்களுக்கும் வாய்தகராறு ஏற்பட்டு அடிதடியில் முடிந்துள்ளது.
நேற்று காலை மங்கலம் கிராமத்தில் இருந்து காலை பள்ளிக்கு பஸ்ஸில் சென்ற மாணவ, மாணவிகளை துலையாநத்தம் கிராமத்தை சேர்ந்தவர்கள் இறக்கி விட்டும், அவ்வழியே சென்ற வாலிபர் கர்ணனையும் தாக்கியுள்ளனர். இதையறிந்த மங்கலம் கிராமத்தை சேர்ந்த 200க்கும் மேற்பட்ட ஆண்கள் துலையாநத்தம் கிராமத்தில் உள்ள தாழ்த்தப்பட்ட மக்கள் குடியிருக்கும் 50க்கும் மேற்பட்ட வீடுகளை சூறையாடி, கிராம மக்களை சரமாரியாக அடித்து நொறுக்கி, ரகளையில் ஈடுபட்டுள்ளனர். இதில், துலையாநத்தம் கிராமத்தை சேர்ந்த ஜோதிவேல்(45), பிரகாஷ்(30) ஆகியோர் படுகாயமடைந்தனர். இருவரும் 108 ஆம்புலன்ஸ் வண்டி உதவியுடன் முசிறி அரசு மருத்துவமனையில் சேர்க்கப்பட்டுள்ளனர்.
தா.பேட்டை போலீஸார் விரைந்து வந்தும், நிலைமை கட்டுக்கடங்காமல் போகவே, ஏ.டி.எஸ்.பி., பெரோஸ்கான் தலைமையில், அதிரடிப்படை குழுவினர் குவிக்கப்பட்டு, மக்களிடம் சமரச பேச்சுவார்த்தையில் ஈடுபட்டும் துலையாநத்தம் கிராம பொதுமக்கள் ஏற்கவில்லை. தங்கள் கிராம மக்களை தாக்கியவர்களை கைது செய்ய கோரி முசிறி - துறையூர் மெயின்ரோட்டில் நேற்று மதியம் 1.30 மணி அளவில் சாலை மறியலில் ஈடுபட முயன்றனர்.
முசிறி ஆர்.டி.ஓ., ஜெயசீலா, ஏ.டி.எஸ்.பி., பெரோஸ்கான் அப்துல்லா, தாசில்தார் பாலசுப்பிரமணியன், தொட்டியம் இன்ஸ்பெக்டர் ராஜசேகரன், தா.பேட்டை தமிழ்மாறன், தா.பேட்டை யூனியன் ஆணையர் ராணி, தேவராஜ் ஆகியோர் பேச்சு வார்த்தையில் ஈடுபட்டனர். இதனால் 30 நிமிடம் போக்குவரத்து பாதிக்கப்பட்டது.
மோதல் தொடர்பாக மங்கலம் கிராமத்தை சேர்ந்த 40 பேரை போலீஸார் முசிறி போலீஸ் ஸ்டேஷன் அழைத்து வந்து விசாரணை மேற்கொண்டுள்ளனர். சம்பவ இடத்தை திருச்சி எஸ்.பி., லலிதா லட்சுமி நேரில் பார்வையிட்டு விசாரித்தார். இருப்பினும் இரு கிராமங்களுக்கு இடையே பதட்டமான சூழ்நிலை நிலவி வருகிறது.

ராமேசுவரத்தில் பெரும் பிடுகு முத்தரையர் படம் அவமதிப்பு: மறியலில் ஈடுபட முயற்சி

ராமேசுவரம், ஜூன். 12-

ராமேசுவரம் அடுத்த கரையூரில் முத்தரையர் சங்கம் சார்பில் பெரும் பிடுகு முத்தரையர் படம் வரைந்த போர்டு வைக்கப்பட்டு உள்ளது. நேற்று நள்ளிரவு “மர்ம” ஆசாமிகள் யாரோ பெரும் பிடுகு முத்தரையர் படத்தை அவமதித்திருந்தனர்.

இதை பார்த்த அப்பகுதி பொதுமக்கள் அதிர்ச்சி அடைந்தனர். ஏராளமா னோர் அங்கு கூடினர். இதனால் அங்கு பெரும் பரபரப்பு ஏற்பட்டது. இச்சம்பவம் குறித்து கிராம தலைவர் மலைராஜன் போலீசில் புகார் செய்தார். புகாரின் பேரில் போலீஸ் சப்- இன்ஸ்பெக்டர் சிலை மணி வழக்குப்பதிவு செய்து விசாரணை நடத்தினார்.

இந்நிலையில் இன்று காலை முத்தரையர் படத்தை அவமதிப்பு செய்தவர்களை கைது செய்ய வலியுறுத்தி அப்பகுதி மக்கள் 100-க்கும் மேற்பட்டோர் நகராட்சி அலுவலகம் முன்பு மறியலில் ஈடுபட முயன்றனர். இது குறித்து தகவலறிந்த ராமேசுவரம் டவுண் போலீஸ் இன்ஸ்பெக்டர் சண்முகம் தலைமையில் போலீசார் விரைந்து சென்று மறியலில் ஈடுபட முயன்றவர்களிடம் சமரச பேச்சுவார்த்தை நடத்தினர்.

குற்றவாளிகளை உடனே கைது செய்ய நடவடிக்கை எடுப்பதாக போலீசார் உறுதி அளித்தனர். இதை யடுத்து பொதுமக்கள் மறியலை கைவிட்டு கலைந்து சென்றனர். மேலும் அப்பகுதியில் அசம்பாவிதங்கள் ஏதும் நடைபெறாமல் இருக்க ஏராளமான போலீசார் அங்கு குவிக்கப்பட்டு உள்ளனர்.1 1

லோக்பால் மசோதா நிறைவேற்ற 25 கோடி பேர் ஆதரவு தேவை

நாட்டில் ஊழலை ஒழிக்கும் லோக்பால் மசோதா நிறைவேற்றப்பட வேண்டுமெனில் 25 கோடி பேர் ஆதரவு தெரிவித்தால்தான் நிறைவேற்ற முடியும் என்ற மத்திய அரசு தமது எண்ணத்தை வெளியிட்டுள்ளது. இதற்கு தங்களின் ஆதரவு எண்ணத்தை தெரிவிக்க உங்களுக்கு ஒரு வாய்ப்பு கிடைத்திருக்கிறது.



ஊழல் எதிர்ப்பு மசோதா நிறைவேற்றுவதற்கென பல்வேறு தரப்பு போராட்டங்கள் நடத்தப்பட்டு வருகிறது. அன்னா ஹசாரே, யோகாகுரு பாபா ராம்தேவ் என பலர் களம் இறங்கி அற வழியில் போராட்டம் நடத்தி இந்த போராட்டத்திற்கு நாடு முழுவதும் ஆதரவு பெருகி வருகிறது.




மத்திய அரசை வழிக்கு கொண்டு வர பலரும் கடும் முயற்சி மேற்கொண்டுள்ளனர். இந்நிலையில் இந்த மசோதா நிறைவேற்ற குறைந்த அளவு 25 கோடி பேராவது ஆதரிக்க வேண்டும் என்று கூறியிருக்கிறது. நீங்கள் செய்ய வேண்டியது ஒரு மொபைல் எண்ணுக்கு ரிங் செய்ய வேண்டியதுதான் , ஒரு ரிங்கில் கட் ஆகி விடும். இதுவே உங்கள் கருத்தாக எடுத்துக்கொள்ளும். உங்கள் உணர்வு பதிவு செய்யப்பட்டதற்கான நன்றி அறிவிப்பு எஸ்.எம்.எஸ்.சாக வரும். இந்த ஊழல் எதிர்ப்பு போரில் நீங்களும் ஒருவராக இணைத்துக்கொள்ளலாமே.,



அழைப்பு விடுக்கப்பட வேண்டிய எண்கள் : + 91 22 6155 0789 மற்றும் 0 22 6155 0789.


இளம் சிங்கங்களின் எழுச்சி இயக்க தோழர்கள் இந்த செய்தியினை குறுந்தகவல் மூலம் மற்றைய நண்பர்களுக்கு பகிர்ந்துக்கொள்ளவேண்டுகிறோம்

பேரரசர் பெரும்பிடுகு முத்தரையர் உயர்நிலைப் பள்ளி 100 சதம் தேர்ச்சி - நன்றி தினமணி

ஆலங்குடி, மே 27: புதுக்கோட்டை மாவட்டம், ஆலங்குடி அருகேயுள்ள கறம்பக்காடு பேரரசர் பெரும்பிடுகு முத்தரையர் நினைவு உயர்நிலைப் பள்ளி எஸ்எஸ்எல்சி பொதுத் தேர்வில் 100 சதம் தேர்ச்சி பெற்றுள்ளது.

இந்தப் பள்ளியில் எஸ்எஸ்எல்சி பொதுத் தேர்வை 18 பேர் எழுதினர். இதில் அனைவரும் தேர்ச்சி பெற்றனர்.

இவர்களில் செ. தமிழன்பன் 440, எஸ். சுதர்சன் 434, எம். பிரபாகரன் 432 ஆகியோர் முறையே முதல் மூன்று இடங்களைப் பிடித்தனர். இதில் 400 மதிப்பெண்களுக்கு மேல் 7 பேர் பெற்றனர்.

தேர்ச்சி பெற்ற மாணவர்களை பள்ளியின் அறக்கட்டளைத் தலைவர் டி. இந்திரன், தலைமையாசிரியர் ஆர். ரமணன், ஆசிரியர்கள் பாராட்டினர்.

கச்சிமேற்றளி

அருள்மிகு திருமேற்றளிநாயகி உடனுறை திருமேற்றளிநாதர்


மரம்: மா மரம்
குளம்: விட்டுணு தீர்த்தம்

பதிகங்கள்: மறையதுபாடிப் -4 -43 திருநாவுக்கரசர்
நொந்தா வொண்சுடரே -7 -21 சுந்தரர்

முகவரி: திருமேற்றளித் தெரு
பிள்ளையார்பாளையம்
காஞ்சிபுரம் மாவட்டம், 631501
தொபே. 9865355572

இது செங்கற்பட்டு மாவட்டம் காஞ்சிபுரத்தின் மேற்குப் பகுதியாகிய பிள்ளையார்பாளையத்தில் இருக்கின்றது.

திருஞானசம்பந்தர் வாழ்ந்திருக்கவும் பாடவும் பெற்றதால் இது பிள்ளையார் பாளையம் எனப் பெயர் பெற்றது.

தலச் சிறப்பு: இங்கே இரண்டு திருக்கோயில்கள் இருக்கின்றன. ஒன்று ஓத உருகீசுவரர்கோயில். இங்கே எழுந்தருளியிருந்தவர் திருமால். திருஞான சம்பந்தப் பெருமானாரின் திருப்பாடலைக் கேட்டுச் சிவலிங்கமாய் உருகினார். காஞ்சிப்புராணத்தில் இதற்கு ஆதாரம் உண்டு. மற்றொன்று திருமேற்றளி நாதர்கோயில். இவ்விரு திருக்கோயில்களுக்கும் கிழக்கே திருவீதியில் சம்பந்தர்கோயில் இருக்கின்றது. இத் தலத்திற்கு அப்பர் சுவாமிகள் பாடியருளிய திருநேரிசைப் பதிகம் ஒன்று இருக்கின்றது. காஞ்சி மாநகரம் சிறந்த திருத்தலமாகத் திகழ்வதுடன் எண்ணற்ற சிவதலங்கள் பலவற்றைத் தன்னகத்தே கொண்டதாக இலங்குகின்றது. இவற்றுள் கச்சியேகம்பம், கச்சிமேற்றளி, திருவோணகாந்தன்தளி, திருஅனேகதங்காவதம், திருக்கச்சிநெறிக்காரைக்காடு என்ற ஐந்து சிவதலங்கள் தேவாரத் திருப்பாடல்கள் பெற்ற திருத்தலங்களாகத் திகழ்கின்றன. இவ்வைந்து திருத்தலங்களுள் ஒன்றாக விளங்குகிறது திருக்கச்சிமேற்றளி. இது திருக்கச்சி யேகம்பத்திற்குத் தென்மேற்கே ஒரு கல் தொலைவில் அமைந்துள்ள அணி நகராகும். இந்நகரை ஸ்ரீ காஞ்சிமேற்றளியென்றும் திருமேற்றளியென்றும் வழங்குவர். திருக்கச்சியின் மேற்றிசையில் அமைந்திருத்தலால் இத்தலம் இப்பெயர் பெற்றதெனலாம்.

இத்தலத்திற்குச் சம்பந்தர்பதிகம் ஒன்றும் அப்பர்பெருமான் பதிகம் ஒன்றும் ஆக இரண்டு பதிகங்கள் உள.


காஞ்சி - திருமேற்றளி:

(See the Annual Reports on South Indian Epigraphy for the year 1921 No. 86-91; year 1923 No. 101-104. ( with the name of the village Pillayarpalayam))

இத்திருக்கோயிலில், சம்புவராய மன்னர்களில், சகலபுவனச் சக்கரவர்த்தி இராச நாராயண மல்லிநாதன் சம்புவராயரின் 16ஆம் ஆட்சி ஆண்டிலும், விசயநகர வேந்தர்களில், மகா மண்டலேசுவரன் சதாசிவ தேவ மகாராயர் (சகம் 1484) காலத்திலும், பல்லவ மன்னர்களில், தந்திவிக்கிரமவர்மன் காலத்திலும் பொறிக்கப்பெற்ற கல்வெட்டுக்கள் இருக்கின்றன.

இவைகளில் இறைவரின் திருப்பெயர் திருமேற்றளி உடைய நாயனார் என்றும், இறைவரின் திருக்கோயில் திருமேற்றளித் திருக்கோயில் என்றும் குறிக்கப் பெற்றுள்ளன.

இராசநாராயணமல்லிநாதன் சம்புவராயரின் கல்வெட்டு, எயிற்கோட்டத்துத் தேவதானம் நந்தவன்சுதர்விளாகம் என்னும் ஊரில் இருவேலி நிலத்தைத் திருமேற்றளி உடைய நாயனார்க்குக் கொடுத்ததையும், சதாசிவ தேவமகாராயர் கல்வெட்டு, தறி ஒன்றுக்கு ஐந்தரை பணத்தைச் செங்குந்தர்களிடமிருந்து வசூலித்து இறைவனுக்கு நாள் வழிபாட்டிற்கும்விளக்குக்கும் பயன்படுத்திக் கொள்ள வேண்டுமென்று, கொண்ட மய்யராசையா என்பவர் கட்டளையிட்டதையும், தந்திவிக்கரமவர்மன் கல்வெட்டு, ஒரு முத்தரையர் திருமேற்றளிக்கோயிலுக்கு அறச் செயல்கள் புரிந்ததையும், கோயிலைச் சார்ந்து திருமடம் ஒன்று இருந்ததையும் குறிப்பிடுகின்றன.

குறிப்பு: திருமேற்றளி நிலைபெற்றுள்ள ஊராகிய பிள்ளையார் பாளையத்தின் தெருக்களில் உள்ள துண்டுக் கல்வெட்டுக்கள் திரு வேகம்பன்தெரு என்று காஞ்சிபுரத்தில் ஒரு தெருவிற்குப் பெயர் வைக்கப்பட்டிருந்ததையும் சந்திரகிரியில் அப்பராச உடையார் என்னும் கவிஞர் ஒருவர் இருந்ததையும், ஏகாம்பரநாதர் கோயிலுக்குப் பழுது பார்ப்பதற்கு இரண்டு ஊர்களின் வரிகளைக் கொடுத்ததையும் உணர்த்துகின்றன.

முத்தரையர் சங்கக் கூட்டம் - நன்றி தினமணி

திருச்சி, ஜூன் 1: ஜாதிவாரி கணக்கெடுப்பில் முத்தரையர் எனப் பதிவு செய்ய வலியுறுத்தி, தமிழ்நாடு முத்தரையர் சங்க மாவட்டச் செயற்குழுக் கூட்டத்தில் தீர்மானம் நிறைவேற்றப்பட்டது.

திருச்சியில் தமிழ்நாடு முத்தரையர் சங்கத்தின் மாவட்ட செயற்குழுக் கூட்டம் புதன்கிழமை நடைபெற்றது. கூட்டத்துக்கு சங்கத்தின் மாநிலப் பொதுச் செயலர் மரு. பாஸ்கரன் தலைமை வகித்தார்.

கூட்டத்தில், ஸ்ரீரங்கம் தொகுதியில் வெற்றி பெற்று, 3-வது முறையாக தமிழக முதல்வராகப் பொறுப்பேற்ற ஜெயலலிதாவுக்கு வாழ்த்து தெரிவித்தும், இளைஞர் நலன் மற்றும் விளையாட்டுத் துறை அமைச்சராக முசிறி சட்டப்பேரவைத் தொகுதி உறுப்பினர் என்.ஆர். சிவபதியை நியமித்ததற்கு நன்றி தெரிவித்தும், விபத்தில் இறந்த தமிழக சுற்றுச்சூழல் அமைச்சர் என். மரியம்பிச்சை மறைவுக்கு இரங்கல் தெரிவித்தும் தீர்மானங்கள் நிறைவேற்றப்பட்டன.

கூட்டத்தில் வழக்குரைஞர்கள் சிவராஜ், லோகநாதன், செல்ல மகேந்திரன், ஒன்றியச் செயலர்கள் விசுவநாதன், புஷ்பராஜ், ஜயசந்திரன், மருளாளி, அசோக் உள்ளிட்டோர் கலந்து கொண்டனர்.

முன்னதாக, சங்கத்தின் மாவட்டப் பொருளாளர் குஞ்சான் வரவேற்றார். மாவட்டச் செயலர் தங்கவேல் நன்றி கூறினார்.