வலையர்களின் உட் கிளைகள்

வலையர்களின் உட் கிளைகள்

கருப்பாசி வலையர்கள்
வன்னிய வலையர்கள்
செம்பாசி வலையர்கள்
சருகு வலையர்கள்
செட்டிநாடு வலையர்கள்
ஆயா வலையர்கள்
மூக்குத்தி போடாத வலையர்கள்

உட்கிளைகள் அடங்கிய பகுதிகள்

எட்டரை கோப்பு நாடு,
தானம்பு நாடு
வழுவாடி நாடு
நடு நாடு (அ) அசல் நாடு
குரும்ப நாடு
வன்னிய நாடு
அம்பு நாடு
புனல் நாடு
வேடன் நாடு
சுளுந்துக்காரன் நாடு
அம்பலகாரன் நாடு
வெள்ளாம்புட்டு நாடு
கறடி  நாடு
கங்கு நாடு
பாசிக்கட்டி நாடு
காரைக்காட்டி நாடு

மேலே கூறிய நாடுகள் பரவியுள்ள இன்றைய மாவட்டங்கள்.

ராமநாதபுரம்
மதுரை
தஞ்சாவூர்
திருச்சி (புதுக்கோட்டை)
திருநெல்வேலி
கோவை
வட ஆற்காடு
நீலகிரி மாவட்டங்கள்

தகவல் ஆதாரம் : தி வலையர் -கல்ச்சர் அண்ட் எகனாமிக்ஸ் , ஆர் .இ.தேசிங்கு செட்டி . பேராசிரியர் ராஞ்சி பல்கலைக்கழகம் .

- Palanivel Sankili Thevan

தேசப்பணிகள்

அ.அய்யாச்சாமி,ராமேஸ்வரம்.

தந்தை :அய்யப்பன்
தாய் :முத்து பேச்சியம்மாள்

தேசப்பணிகள் :
1931 இல் கள்ளுக்கடை மறியல்,சுபாசுசந்திர போசு ,நேரு இளைஞர் மன்றம் தோற்றுவித்து நடத்துதல் .
1933 -இல் தனுசுகோடி காங்கிரஸ் கமிட்டி காரிய தரிசி.
ஆகஸ்ட் புரட்சியில் தனிநபர் சத்தியாகிரகம் .
ராமேஸ்வரம் இந்து தர்ம சேவா சங்கத்தை தோற்றுவித்து தலைவரானார்.தமிழ்நாடு ஆலய பாதுகாப்பு கமிட்டி செயலாளர் ,கிஜன சேவா சங்க செயலாளர் .
1933 இல் கள்ளுக்கடை மாறியலினால் சிறையில் ஆங்கிலேயர் அடைத்தனர் .
1937 -இல் வலையர் முன்னேற்ற சங்கத்தை தொடங்கி 1952 -இல் கண்ணப்பர்குல வலையர் சங்கமாக நடக்க தொடங்கியது.தவத்திரு சிருங்கேரி மேடம் சங்கராச்சாரியாரின் தொடர்பு மடாதிபதி கல்யாணதாஸ் தொடாண்டிய ராமேஸ்வரம் ,இந்து  தர்ம சேவா சங்கத்திற்கு தலைவரானார்.
தமிழ்நாடு மீனவர் சங்கம்,விசைப்படகுக்காரர்கள் சங்கம் ,கல்வி ,பொது நலத்துக்கு தலைமையேற்று சேவை செய்தார்.

ராமேஸ்வரத்தில் தன்னால் தொடங்கப்பட்ட கண்ணப்பர் குல வலையர் சங்கத்தை தமிழ்நாடு முத்தரையர் சங்கத்துடன் இணைத்தார் .இவரது மிகசிறந்த சேவையால் 07.09.1980  இல் மாநில முத்தரையர் சங்கத்திற்கு பொதுச்செயலாளராக தேர்வு செய்யப்பட்டார்.

குறிப்பு உதவி: திருமலை நம்பி ஐயா புதுக்கோட்டை.

Writing : Palanivel sankilithevan

இந்திய சுதந்திர போராட்டத்தில் அதிகமான முத்தரையர்கள

இந்திய சுதந்திர போராட்டத்தில் அதிகமான முத்தரையர்கள் கலந்து கொண்டாலும் இவர்கள் இருவரும் அதிக பிரபலம் அடைந்தவர்கள் ஒருவர் ஆ.முத்தையா ,தளுகை பாதர்பேட்டை . மற்றுமொருவர் அ.அய்யாச்சாமி,ராமேஸ்வரம்.

இதில் காலத்தால் முந்தியவர் திரு ஆ.முத்தையா .
தந்தை  :ஆணை முத்துராஜா
தாய் :பெரியம்மாள்

1914  ஆம் ஆண்டு  15  வயதில் தந்தையை இழந்தார் .உடன் தனது தாயாருடன் இலங்கை சென்றார் .அங்கே காங்கிரஸ் இயக்கத்தில் சேர்ந்தார். தனது 25 வயதில் காங்கிரஸ் பேரியக்கத்தில் தீவிரமாக பங்கு பெற்றார்.1942 செப்டம்பரில் வெள்ளையர்களால் கைது செய்யப்பட்டு பெல்லாரி சிறையில் அடைக்கப்பட்டார் மீண்டும் 1943 கைது செய்யப்பட்டு பெல்லாரி சிறையில் அடைக்கப்பட்டார்.

தேச தலைவரான காமராஜர்,கக்கன் ஆகியோர் தொடர்பு ஏற்பட்டது .1948 இல் திருச்சி வந்து காங்கிரசில் போட்டியிட்டு வென்றார் .1954 இல் திருச்சி மாவட்ட காங்கிரசில் செயலாளர் ஆனார் .

வகித்த பதவிகள்
1959 இல் திருச்சி மாவட்ட நூலக ஆணைக்குழு உறுப்பினர்
1957 -1962  வரை உப்பிலியபுரம் தொகுதி சட்டமன்ற உறுப்பினர்
1962 -1968 வரை திருச்சி நகர சிட்டி கிளப் தலைவர் .
1963  இல் திருச்சி அகில இந்திய வானொலி நிலையத்தில் உறுப்பினராகத் தேர்வு பெற்று பணியாற்றினார்.

Thanks to : Palanivel Sankilithevan

நவம்பர் - 05

நவம்பர் - 05

ஒரு வருடத்தை இன்று நிறைவு செய்திருக்கிறோம், நினைக்கவே சந்தோசத்தில் துள்ளிக்குதிக்க செய்யும் நாள் அது என்றால் மிகையாகாது, கடந்த இருபது வருடங்களில் அரசை எதிர்த்து அவ்வளவு பெரிய போராட்டம் நடத்திய ஒரே ஒரு சமூகம் "முத்தரையர்" சமூகம் என்று நடுநிலைவாதிகள், அரசியல் விமர்சகர்கள், அறிஞர்கள் ஆச்சர்யமோடு சொல்ல வைத்த நாள் இன்று...

காவல்துறை கைது செய்யும் என்ற எச்சரிக்கையை எள்ளிநகையாடி அணி அணியாய் ஆர்பரித்து வந்த என் இனமான இளைஞன் ஒவ்வொருவனின் முகத்திலும் கைதுக்கு பிறகும் புன்சிரிப்பையே காண முடிந்தது,

அச்சம் என்பது துளியுமின்றி, ஆர்பாட்டம்தானே என்ற அலட்சியமுமின்றி ஆர்வமோடு, உணர்வோடு ஓங்கி ஒலித்த குரலோடு புதுக்கோட்டையை புரட்டி போட்டார்கள் என்றால் அது மிகையாகாது, அந்த அதிர்வுகள் இன்றும் புதுகை மண்ணில் மறைந்து கிடக்கிறது. இன்றும் முத்தரையர் சமூகத்தின் ஒவ்வொரு அசைவையும் காவல்துறை உள்ளிட்ட அரச துறைகள் உண்ணிப்பாக கவனிக்க வைத்த ஒரு பொன்னான தினம் நவம்பர் -05

வரும் எல்லோரையும் கைது செய்துகொண்டே இருக்கிறார்கள், ஒரு கட்டத்தில் அதுகூட முடியாமல் காவல்துறை திணறி நின்றதை காணும்போது நமக்கே பரிதாபம் வந்தது.   அவ்வளவு பெரிய போராட்டத்தை நடத்தி முடித்த முத்தரையர் பேரினம், பின்வந்த ஒரு வருட காலத்தில் எந்த சலனமும் இல்லாமல் புயலுக்கு பிந்ததைய அமைதியோடு இருக்கிறது, காட்டாராய் சீறிவந்த காளைகள் ஏனோ அமைதி என்னும் பெரும் கடலில் கலந்து நிற்கிறது.
இடையில் வந்த தேர்தல் காலத்தில் புற்றீசல்கள் முளைத்து தேவைகள் (!?) முடிந்து ஓய்ந்துவிட்டது, போராட்டத்தில் கலந்துகொள்ளாத, கைதுக்கு பயந்து ஓடியதுகள் எல்லாம் தேர்தலில் நின்ற கொடுமைகளும் நமக்கு தெரியும், சரி அந்த கோழைகளை விட்டுவிடுவோம்.

போராட்டம் என்பது போராளிகளை உருவாக்குமிடம் என்பதுதான் போராட்டத்தின் இலக்கணம், போராளிகளாய் ஆர்பரித்து வந்த என் உறவுகளின் உணர்வுகளுக்கு சரியான வடிகால் இன்றுவரை கானல்நீராகவே இருக்கிறது, புயலுக்கு யார் சலங்கை கட்ட போகிறார்கள்..??

"புதுகை போராட்ட போராளிகளுக்கும்" "புதுகை புரட்சியின் நாயகன் அண்ணன் சொக்கலிங்கத்திற்க்கும்" என்னோடு போராட்ட களத்தில் நின்ற அத்தனை போராளிகளுக்கும் இந்த சஞ்சய்காந்தி அம்பலக்காரனின் சிரம்தாழ்ந்த வணக்கங்களை தெரிவித்துக் கொள்கிறேன்.

வீர வம்சத்தின் வாரிசுகளே...! புதுகை போராட்டம் நமக்கான தொடக்கம் என்றுதான் அன்றும் நான் சொன்னேன், இன்றும் அதையேதான் சொல்கிறேன். ஓய்ந்து கிடக்கும் சாதியில் நாம் பிறக்கவில்லை, ஓய்ந்துகிடப்பதனால் எதுவும் நமக்கு கிடைக்கப் போவதுமில்லை....! அன்று போர்களமே கதியென கிடந்த சாதிக்கு இனி போராடினால்தான் நீதி கிடைக்கும், போர்களமோ, போராட்டமோ நாம் "களத்தில்" நின்றுதான் தீர வேண்டும்.

இன்னும் வலிமையான போராட்டங்கள் என் சமூகம் முன்னெடுக்கும்போதுதான், நேற்று நாம் இழந்த நம்முடைய உரிமைகளை, நாளை நமது சந்ததிக்காவது பெற்றுத்தந்திட முடியும், ஆட்சியும், அதிகாரமும் அடங்கி கிடப்பவனுக்கு கிடையாது, முடங்கி கிடப்பவன் கொம்புதேனுக்கு ஆசையும் பட முடியாது.

அடுத்த போராட்டத்துக்கு நாள் குறியுங்கள்.....! அங்கே புரட்சிகொடியேந்தி சந்திப்போம்...!!

புரட்சி வணக்கங்களோடு

உங்கள் சஞ்சய்காந்தி அம்பலக்காரர்
நிறுவன தலைவர்,
இளம் சிங்கங்களின் எழுச்சி இயக்கம்

அம்பலகாரர் செப்பேடு

அம்பலகாரர் செப்பேடு

63 நாயன்மார்களில் ஒருவராகிய சிறுத்தொண்டர் வரலாறு கூறும் அம்பலகாரர் செப்பேடு

திருச்செங்கோடு நாணயவியல் ஆய்வாளர் விஜயகுமார் 47 செ.மீ .நீளமும்,27செ.மீ அகலமும் 2.25 கிலோ எடையும் கொண்ட அறிய செப்பேடு ஒன்றை கண்டு பிடித்துள்ளார்.இருபுறமும் தமிழில் 115 வரிகளில் அச்செப்பேடு எழுதப்பட்டுள்ளது .இதை ஈரோடு கொங்கு ஆய்வு மைய அமைப்பாளர்கள் புலவர்ராசு ,கொங்கு குழந்தைசாமி ஆகியோர் ஆய்வு செய்தனர் .

நெடுநாள் ஓலைச்சுவடியில் இருந்த பட்டயம் 1878 ஆம் ஆண்டு செப்பேடாக வெட்டப்பட்டுள்ளது . மதுரையைச் சேர்ந்த சேது அம்பலக்காரர் சோழ நாட்டுத் திருச்செங்காட்டங்குடியில் அன்னதான மடம் ஏற்படுத்தி திருவஞ்சைக்கனம் ஆத்மநாத பண்டாரம் வசம் மடத்தை ஒப்படைத்துள்ளார் .
சோழ நாடு ,பாண்டிய நாடு, தொண்டை நாட்டுப் பகுதிகளில் அம்பலகாரர் ,சேர்வைக்காரர் ,முத்துராயர் ,முத்திரியப்பார் ,வன்னியர் என்ற பட்டப்பெயர்  பெற்று வாழும் சேது அம்பலம் ,சோமணம்பலம் ,குமாரணம்பலம் ,முருகனம்பலம் ,வடுகனம்பலம் ,குரும்பனம்பலம் ஆகிய ஏழு பிரிவினரும்  அந்த ஏழுவகைத் தேவ அம்பலகாரர் தர்ம மடத்திற்கு உரியவர்கள் ,அந்த மடத்தை நிர்வகிக்கவும் ,அன்னதானம் செய்யவும் ஒவ்வொருவரும் குறு  காணிக்கையாக ஆண்டுக்கு இரண்டு பணமும்,திருமணம்,ருதுசாந்தி ,சீமந்தம் இவைகளுக்கு பெண் வீடு இரண்டு பணமும் கொடுக்க வேண்டும் என்று ஒப்புக்கொண்டுள்ளனர் .

இந்த மடம் திருச்செங்காட்டங்குடியில் ஏற்படுத்திய காரணத்தால் அங்கு கி.பி 7 ஆம் நூற்றாண்டில் அங்கு வாழ்ந்த சிறுத்தொண்டர் வரலாறு மிகவும்  விரிவாகக் கூறப்பட்டுள்ளது .63 நாயன்மார்களில் ஒருவராகிய சிறுத்தொண்டர் வரலாறு கூறும் பெரிய புராணத்தில் கூறப்பெறாத பல அறிய  செய்திகள் சிறுத்தொண்டரைப் பற்றி கூறப்பட்டுள்ளது .

புதிய செய்தி

மகாபாரத கதையில் வரும் கர்ணன் சொர்ணதானம்(பொன் ) செய்தான் .ஆனால் தானத்தில் சிறந்த அன்னதானத்தை செய்யவில்லை .அன்னதானம்  செய்யும்பொருட்டு கர்ணன் திருச்செங்காட்டங்குடியில் சிறுதொண்டராக அவதாரம் செய்தார் என்று செப்பேடு கூறுகிறது .அன்னதானத்திற்காக மடம்  ஒன்றை ஏற்படுத்தி அன்னக்கொடிகட்டி அன்னமிட்டார் .சிவபெருமான்  சிறுத்தொண்டரின் பிள்ளைக்கறி உன்ன நடந்து வந்த தெற்கு வீதி ” சிவம்பார்க்க ” நடந்த திருவீதி ” என்று அழைக்கப்பட்டது .இவைஅனைத்தும் பெரியபுராணத்தில் கூறப்படாத புதிய செய்திகளாகும் .

இச்செப்பேட்டில் ஒரு பெரியபுராணப் பாடல் உட்பட நான்கு பாடல்கள் எழுதப்பட்டுள்ளன ஒரு பாடலில் திருச்செங்காட்டங்குடிக்கு மந்திரபுரி,செங்காடு ,சத்யபுரி ,தந்திரபுரி ,ஆத்திவனம் ,பாஸ்கரபுரி ,சமுத்திரபுரி ,கணபதீச்சுரம் ஆகிய 8 பெயர் உள்ளதெனக் கூறுகிறது . மற்றொரு பாடலில்  அன்னதானத்தின் பெருமை கூறப்பட்டுள்ளது .முருகன் அம்சமாகப் பிறந்த உக்கிர குமார பாண்டியனின் ஏவல் செய் மக்கள் என்றும் ,இந்திர குலம்  என்றும் அம்பலகாரர்கள் குறிக்கப்பட்டுள்ளனர் .செப்பேட்டில் தல விருட்சம் ஆத்திமரம் அழகுடன் செதுக்கப்பட்டுள்ளது .
திருச்செங்காட்டங்குடி கோவில் திருவத்தி மகாமண்டபத்தில் கூடிக்கொடுத்த இந்த தர்ம மட செப்பேட்டை எழுதியவர் நாகூர் நமச்சிவாய முதலியார் .120 x 42 அடியுள்ள இந்த மடம் உள்ள இடம் 15 ஆயிரத்து 120 பணத்துக்கு வாங்கப்பட்டது.அருகில் சான்றோர் மடம் உள்ளது .
அம்பலகாரர் சார்பில் திருமருதை வேங்கு அம்பலகாரர்,குப்புசாமி அம்பலகாரர் ,செங்கழனி அம்பலகாரர் ,முத்துவேல் அம்பலகாரர்,முத்துவேல்  அம்பலகாரர் ,வெங்கடாசலம் அம்பலகாரர் ஆகியோர் கையொப்பமிட்ட இந்த செப்பேட்டில் ஆத்திவனம் அனந்த ராமய்யர்,ஆரூர் மாசிலாமணி தேசிகர்  ,முத்து வைத்திலிங்கம் பிள்ளை ,கணக்கு ராமலிங்கம் பண்டாரம் ஆகியோர் சாட்சி கையொப்பமிட்டுள்ளனர் .

தமிழக  சேது  அம்பலக்கார ,வரலாறு ,சைவ  சமய  வரலாறு  ஆகியவற்றில்  பல  புதிய  அறிய  தகவல்களை  கூறும்  இந்த  அறிய  செப்பேடு  வரலாற்று  முக்கியத்துவம்  வாய்ந்ததாக  கருதப்படுகிறது .தொடர்ந்து  இது  குறித்து  ஆய்வு  நடைபெற்று  வருகிறது .

ஆதாரம் :  தினமலர்  27.11.2004 ஈரோடு  மாவட்ட  பதிப்பில்  வந்தது .

இது  குறித்து  மேல்  அதிகமான  தகவல்கள்  தெரிந்தால்  தெரிய  படுத்துங்கள்  சமுதாயம்  அறிந்து  கொள்ளட்டும் .

Thanks to :  இவண்: பழ.சங்கிலிதேவன் பழுவேட்டரையர் .

எம் .ஆர் .கோவேந்தன் அவர்கள் சட்டமன்ற உறுப்பினராக இருந்தபோது 06.08.1977 அன்று சட்டமன்றத்தில் ஆற்றிய உரை

1977 ல் சட்டமன்றத்தில் அய்யா எம்.ஆர்.கோவேந்தன் பல கோரிக்கைகளை முன் வைத்து பேசியிருக்கிறார், கிட்டதட்ட 40 ஆண்டுகளை நெருங்கிவிட்டபோதும், இதில் ஒன்றிரெண்டை தவிர ஏனையபெரும்பாலான கோரிக்கைகள் அப்படியேதான் இருக்கிறது

என் சாதிசனமோ டாஸ்மார்க் போதைக்கு அடிமையாகி கிடக்கிறது :(

இன்னும் எத்தனை ஆண்டுகள் ஆகும் இதெல்லாம் நிறைவேற....??

---------------------------------------

அன்பு  முத்தரைய சொந்தங்களுக்கு  வணக்கம் ,
                                                                                       நம்  முத்தரையர்  இனத்தில்  முதன்  முதலாக  அமைச்சர்  பதவியை  அலங்கரித்தவர்  என்ற  பெருமைக்குச்  சொந்தக்காரர்  எம் .ஆர் .கோவேந்தன்  அவர்கள்  சட்டமன்ற  உறுப்பினராக  இருந்தபோது  06.08.1977 அன்று  சட்டமன்றத்தில்  ஆற்றிய  உரையை  அப்படியே  தருகின்றோம் .

பேரவைத்  தலைவர்  அவர்களே ,

பிற்பட்டோர்  நல  கோரிக்கை  நாளான  இன்று  தமிழ்  இலக்கியத்திலும்  வரலாற்றிலும்  சிறப்பானதொரு  இடத்தைப்பெற்ற  ஒர்  இனம்  கவனிப்பாரற்று  சமுதாயத்தில்  ஒதுக்கப்பட்டு  மிகத்  தாழ்ந்த  நிலையில்  வாழ்ந்துவரும்  அவலநிலையை  இந்த  மாமன்றத்தில்  எடுத்துக்  கூற  கடமைப்பட்டுளேன் .

முத்தரையர்  எனும்  பொதுவான  பெயரில்  வாழும்  இவர்கள்  பல்வேறு  வழக்கு  பெயர்களில்  இன்று  தமிழகத்தில்  வாழ்ந்து  வருகின்றனர் . அவைகளாவன  
முத்தரையர் ,முத்திரியர் ,முத்துராஜா ,முத்துராச்சி ,முதிராஜ் ,அம்பலம் ,அம்பலகாரர் ,வலையர் ,கண்ணப்பக்குள  வலையர் ,பூசாரி ,தலையாரி ,நாயுடு ,காவற்காரர்  ,முத்திரையை  மூப்பனார் ,முத்திரையை  ராவ் ,முத்திரா  வன்னியர் ,முத்திரையை  நாயக்கர் , முத்திரையை  நாய்டு , பாளையக்காரர் ,பாளையக்கார  நாய்க்கர் ,பாளையக்கார  நாய்டு ,முத்திரையை  ஊராளிக்கவுண்டர் ,கம்பளத்தார் ,சேர்வை ,சேர்வைக்காரர் ,தேவர் ,வழுவாடியார் ,பிள்ளை  முதலியவைகளாகும்
.
“முத்தரையர்  கோவை ” என்ற  தனிஇலக்கிய  நூலையும் ” பெரிது  வந்தீயும்  பெரு  முத்தரையர் ” என  நாலடியாரில்  சிறப்பித்துப்  பாடப்பெற்ற  இந்த  இனம்  சமுதாயத்தின்  கடை  நிலைக்கு  தள்ளப்பட்டு  இருக்கிறது . இவர்கள்  தமிழகம்  முழுவதும்  85 லட்சத்திற்கு  மேல்  ஒரு  கோடி  அளவில்  வாழ்ந்து  வருகிறார்கள் . இவர்களுடைய  இன்றைய  நிலையை  ஒரு  அரசு  தொல்பொருள்  ஆய்வாளர்  பிறருக்கு  வாரி  வாரி  வழங்கிய  வள்ளல்களாகத்  திகழ்ந்தவர்கள்  இன்று  பரிதாபத்திற்குரியவர்களாக  ஆக்கப்பட்டிருக்கிறார்களே  என்ற  பச்சாதாபம்   ஏற்படுகிறது  என்று  கூறுகிறார் .

தமிழகத்தில்  ஐந்தில்  ஒரு  பகுதியினராக  வாழும்  இவர்களுக்கென்று  இதுவரையிலும்  எந்த  அமைச்சரவையிலும்  இடம்  கிடைத்தது  இல்லை . முத்தரைய  மாணவர்கள்  அதிக  மதிப்பெண்  பெற்றிருந்தும்  தமிழ்நாடு  பணியாளர்  தேர்வாணைக்குழு   (தமிழ்நாடு  பப்ளிக்  சர்வீஸ்  கமிஷன்  )குரூப்  1 மற்றும்  குரூப்  2 பிரிவுகளில்  யாரும்  தேர்ந்து  எடுக்கப்படவில்லை .
சர்வீஸ்  கமிஷன்  இதுவரை  இச்சமூகத்தை  சேர்ந்த  எவரும்  உறுப்பினர்  பதவி  கொடுக்கப்படவில்லை   IAS ,IPS போன்ற  பதவிகளில்  இச்சமூகத்தை  சேர்ந்த  ஒருவர்  கூட  இல்லை .

பொறியியல்  கல்லூரி , மருத்துவக்கல்லூரி  போன்றவற்றில்  இச்சமூக  மாணவர்கள்  அதிக  மதிப்பெண்கள்  பெற்றிருந்தும்  கூட  இடம்  கிடைப்பதில்லை .அரசுத்துறை ,அரசு  நிறுவனங்கள் ,அரசு  சார்புத்துறை ,அரசு  நிறுவனம் ,நீதித்துறை  போன்ற  எவற்றிலும்  இதுவரையிலும்  பதவி  ஏதும்  அளிக்கப்படவில்லை .

தமிழக்கத்தில்  சில  ஊர்களில்  இம்மக்கள்  சமூகத்தில்  ஒதுக்கப்பட்டவர்களைப்போல்  நடத்தப்படுகிறார்கள் . இவ்வினத்தைச்  சார்ந்த  வலையர் ,அம்பலகாரர் ,அம்பலம்  முதலான  பட்டப்  பெயர்களைக்  கொண்டவர்க்கு  தீண்டாமை  ஒழிப்பு  சட்டத்தின்  மூலம்  ஆதி  திராவிட  சகோதரர்களை  போன்று  சட்டப்பாதுகாப்பு  தரப்படுவதில்லை .

பின்தங்கிய  மாணவர்கள்  விடுதிகளில்  முத்தரைய  சமூக  மாணவர்கள்  சேர்க்கப்படுவதில்லை .தேர்தல்  அறிக்கையின்  போதுகூட   எந்த  அரசியல்  கட்சியும்  இம்முத்தரைய  மக்களை  பற்றி   குறிப்பிடுவதில்லை . குறிப்பாக  சென்ற  சட்டமன்றத்  தேர்தல்  அறிக்கையில்  இந்த  இன  நலன்  பற்றி  எந்த  கட்சியினரும்  குறிப்பிடவில்லை .இது மிகவும்  வருந்தர்க்குரியது

இவற்றிற்கெல்லாம்  காரணம்  முத்தரைய  சமூக  மக்களைப்பற்றி  அரசுக்கு  சரியான  புள்ளி  விபரம்  இல்லாததுதான்  என்பதை  வழியுறுத்திக்  கூற  கடமைப்பட்டுள்ளேயன் . எனவே  பல்வேறு  பெயர்களில்  உள்ள  இவர்களை  முத்தரையர்  என்ற  தலைப்பின்  கீழ்  ஒரே   இனமாக  அரசு  அறிவிக்க  வேண்டும்

சர்வீஸ்  கமிஷனில்  முத்தரைய  சமூகத்தை  சேர்ந்த  ஒருவரை  உறுப்பினராக்கவேண்டும் . முத்தரைய  சமூகத்தைப்பற்றி  உண்மை  நிலையை  அறிய  விரைவில்  ஒர்  ஆய்வுக்குழு  அமைக்க  வேண்டும் .

1972-ஆம்  ஆண்டு  பிற்பட்டோர்  நலக்குழு  பரிந்துரைத்த ”கள்ளர்  புனரமைப்பு ” போன்று  “வலையர்  புனரமைப்பு ” அமைக்க  வேண்டும்  என்ற  பரிந்துரை  இதுவரை  செயலாக்கப்படவில்லை . இது  மக்களுக்கு  செய்யும்  அநீதியாகும்  ஆகவே  உடனடியாக  முத்தரையர்  புனரமைப்பு  ஏற்படுத்த  வேண்டும் .

முத்தரைய  மக்கள்  மற்றைய  பின்  தங்கிய  மக்களோடு  போட்டி போட்டு தேர்வுகளில்  வெற்றி  பெற  இயலவில்லை . ஆகவேய  பிற்பட்ட  வகுப்பிற்க்கும்தாழ்த்தப்பட்ட   வகுப்பிற்கும்  இடையே  ஒரு  வகுப்பை  ஏற்படுத்தி ,கல்வி  வேலை  வாய்ப்பு  ஆகியவற்றில்  தாழ்த்தப்பட்ட  சகோதரர்கள்  பெரும்  சலுகைகள்  அனைத்தையும்  வழங்க  வேண்டும்  அல்லது  தாழ்த்தப்பட்ட  சமூக  வகுப்போடு  இவ்வினத்தையும்  சேர்க்க  வேண்டும் .

இந்த  ஆண்டு  தமிழ்நாடு  சர்வீஸ்  கமிஷன்  தேர்வுகளில்  பிற்பட்ட  மக்களுக்கென  ஒதுக்கும்  பதவிகளில்  பெரும்பாலானவற்றை  இச்சமூக  மக்களுக்கேய  ஒதுக்கவேண்டும் .பின்தங்கிய  மாணவ  விடுதிகளில்  முத்தரையர்  சமூக மாணவர்களுக்கு  முன்னுரிமை  வழங்கவேண்டும் .வீட்டுமனைப்பட்ட ,நில  பட்டா  கொடுப்பதில்  இம்மக்களுக்கு  முன்னுரிமை  வழங்கப்படவேண்டும் .

முத்தரைய  மக்களுக்கு  பிற்பட்டோர்  நலக்குழு  வேலை  வாய்ப்புக்குழு  அறங்காவலர்  குழு  போன்றவற்றில்  இடமளிக்கப்பட்டு  சமுதாயத்தில்  சம  அந்தஸ்து  அளிக்கப்படவேண்டும் .
எனவே , தமிழகத்தில்  ஏறக்குறைய  ஒரு  கோடிபேர்  வாழும்  இம்மக்களை  தேர்தல்  கால  வோட்டுகளுக்கு  மட்டும்  பயன்படுத்தாது ,சமூக  பொருளாதார ,கல்வி  முன்னேற்றத்திற்கு  இம்மக்களுக்கு  வாய்ப்பளிப்பதன்  மூலம்  தமிழகத்தின்  முன்னேற்றத்திற்கும் ,உயர்வடைவதற்கும்  வழி  வகுக்கும்  என  நம்புகிறேன் .

ஆதாரம் :முத்தரையர்  முழக்கம் -18-08-1977-மாதப்பத்திரிக்கை .

தொகுப்பு : பழனிவேல் சங்கிலிதேவன்

அறிவார்ந்த அவை கூடல்...!

மிக விரைவில்.....

அறிவார்ந்த அவை கூடல்...!

உறங்கி கிடப்பவர்களை உசிப்பிவிட அறிவார்ந்தவர்களின் ஆலோசனை கூட்டம் விரைவில் நடத்த பெரியவர்கள் சிலர் திட்டமிட்டு இருக்கிறார்கள்

இதில் வேடிக்கை பார்க்க வரும் ஒருவருக்கும் அனுமதியில்லை, உணர்ச்சி அரசியலை கைவிட்டு ஆக்கப்பூர்வமான அரசியலை நோக்கி சமூக மக்களை வழி நடத்த ஆக்கப்பூர்வமான கருத்துக்களோடு வருபவர்களுக்கே அனுமதி,

இந்த சாதி பயணப்பட்ட பாதை எது ? பயணிக்க வேண்டியபாதை எது ?
எது நம்மை வீழ்த்தியது ?
எந்த இடத்தில் நாம் வீழ்ந்து போனோம் ? யாரெல்லாம் நம் எதிரிகள் ?
யார் நம்முடைய துரோகி ?
வீழ்ந்த நாம் எழ என்ன வழி ?

வாருங்கள் விவாதிப்போம்

மறவாதீர்கள் இங்கு ஏற்றுக்கொள்ளப்படும் கருத்தாக்கமே இனி நம் சமூகம் பயணிக்கும் பாதையாக கூட மாறலாம் 

அந்த கருத்தாக்கத்தின் மீதே விவாதம்

இதுதான் திட்டம்

யாரெல்லாம் வருவீர்கள் ?

யாரெல்லாம் வர வேண்டும் ?

உங்கள் கருத்து

-கா.சஞ்சய்காந்தி அம்பலக்காரர்

பேராவூரணித் தொகுதிச் சட்டமன்ற உறுப்பினர் திரு .குழ .செல்லையா அவர்கள் 15.03.73 இல் சட்டமன்றத்தில் ஆற்றிய உரை

பேராவூரணித் தொகுதிச்  சட்டமன்ற  உறுப்பினர்  திரு .குழ .செல்லையா  அவர்கள்  15.03.73 இல்  சட்டமன்றத்தில்  ஆற்றிய  உரை

சொல்லருவி குழ செல்லையா அவர்கள் சட்டப்பேரவையில் முழங்கியது.சட்டமன்ற உரைகளையெல்லாம் பொழுதுபோக்கிற்காக போடவில்லை அதற்கான நீண்ட காரணங்களை பிறிதொரு நாளில் பதிவிடுகிறேன்.

நமது சமுதாய யுவன்களும்,யுவதிகளும்,அறிந்து கொள்ளவேண்டும் என்பதற்குத்தான் இங்கு பதிவிடுகிறோம் .
இதை அதிகமான நம் சமுதாய நண்பர்கள் பகிரவும் நன்றி.

இப்படிக்கு : PALANIVELU  SANGILIDEVAN .

துணைத்  தலைவர்  அவர்களே ! தமிழ்நாட்டு  மக்களை  பொறுத்தவரை  நாலைந்து  பகுதிகளாக  நாம்  பிரித்திருக்கிறோம்  .பிற்பட்டோர்  என்றும் ,மிகவும்  பின்தங்கியவர்கள்  என்றும் , தாழ்த்தப்பட்டோர்  என்றும்  பல்வேறு  வகையாகப்  பிரித்திருக்கிறோம் . ஆனால்  உண்மையிலே  நாட்டில்  இருக்கும்  பின்தங்கிய  மக்களுக்கு  ஒதுக்கப்பட்டு  இருக்கும்  சலுகைகள்  சரியான  முறையில்  கிடைத்திருக்கின்றனவா  என்பதைக்  கவனமாகப்  பார்க்க  வேண்டும் .
பிற்பட்டோர்  நல ஆணைக்குழு  தமிழ்நாடு  முழுவதும்  சுற்றிப்பார்த்து , அவர்கள்  எல்லாம்  நேரடியாகச்  சந்தித்துக்   கேட்டறிந்த தகவல்களைக்   கொண்டு  அரசுக்கு  அனுப்பிய  பரிந்துரையில்  110 விதமான  திட்டங்களை  கூறியிருக்கிறது . அந்த  110 வகையான  திட்டங்களில்  17 வகையான  திட்டங்களைத்தாம்  அரசு  ஏற்றுக்  கொண்டிருப்பதாகத்  தெரிய  வருகிறது . அவர்கள்  சொன்ன  மற்றது  திட்டங்களையும்  அரசு  ஏற்று கொண்டுஇருப்பதாகத்  தெரிய  வருகிறது . அவர்கள்  சொன்ன  மற்றது  திட்டங்களையும்  அரசு  ஏற்று  செயல்படுத்த  முன்வர  வேண்டுமென்று  கூறக்  கடமைப்பட்டிருக்கிறேன் . அப்படி  எல்லாவற்றையும்  ஏற்று  செயல்  படுத்தினால்  தான் உண்மையிலே  மிகப்  பின்  தங்கிய  வகுப்பை  சேந்த  மக்கள்  விடப்பட்டிருக்கிறார்கள் . குறிப்பாக  தஞ்சை  மாவட்டத்தில்  அந்தப்  பகுதியில்  முத்துராஜா  வகுப்பை  சார்ந்த  மக்கள் , பிரதிநிதிகள்  இல்லாமல் ,குறைகளை  எடுத்துச்  சொல்வதற்கான  வாய்ப்பு  இல்லாமல்  இருக்கிறார்கள்  .

மாண்புமிகு  முதல்வர்  அவர்கள்  1957 இல்  குளித்தலைப்  பகுதியில்  நின்று  வெற்றி  பெற்றிருக்கிறார்கள் . அவர்களை  அனுப்பிய  அந்த  மக்களில்  முத்துராஜா  சமுதாயத்தைச்  சார்ந்த  மக்கள்  தாம்  அதிகமாக  வாக்களித்து  மாண்புமிகு  முதல்வர்  அவர்களை  அனுப்பினார்கள்  என்பதில்  பெருமையும்  பூரிப்பும்  கொள்கிறோம் . அந்த  மக்களை  பற்றி  முதல்வர்  அவர்கள்  நன்கு  அறிவார்கள் . அந்த  மக்கள்  தமிழகத்தில்  80  லட்சத்திலிருந்து  ஒரு  கோடி  வரையில்  இருக்கிறார்கள்  என்பதை  இந்கு  எடுத்துச்  சொல்ல  நான்  கடமைப்பட்டு  இருக்கிறேன் .
குறிப்பாகத்  தஞ்சை ,ராமநாதபுரம் ,கோவை ,வட ஆர்க்காடு  போன்ற  மாவட்டங்களில்  உள்ள  பல்வேறு  பகுதிகளில்  பல்வேறு  பெயர்களைக்  கொண்டு  இந்த  முத்துராஜா  குல  மக்கள்  வாழ்ந்து  வருகிறார்கள் . திருச்சியைப்பொறுத்த  வரையில்  முத்துராஜா  என்றும் ,முத்தரையர்  என்றும்  இப்படி  பல்வேறு  பெயர்களில்  வாழ்ந்து  வருகிறார்கள் . தஞ்சை  மாவட்டத்தை  எடுத்துக்கொண்டால்  முத்துராஜா  என்றும் ,அம்பலகாரர்  என்றும்  ,வலையர்  என்றும் ,மீனவர்  என்றும் ,பூசாரிகள்  என்றும்  இப்படி  பல்வேறு  பட்டப்பெயர்களில்  இருந்து  கொண்டிருக்கிறார்கள் . அவர்களது  சர்டிபிகேட்டுகளைப்  பார்த்தல்  முத்துராஜா   என்று  போடப்பட்டு  இருக்கும் .மதுரை  மாவட்டத்தை  எடுத்துக்  கொண்டால்  கண்ணப்பர்  குல  மக்கள்  என்று  போட்டுக்  கொண்டிருக்கிறார்கள் . இப்படி  பல்வேறு  மாவட்டங்களில்  பல்வேறு  பகுதிகளில்  பல  உட்பிரிவாக  இந்த  முத்துராஜா  குல  மக்கள்  வாழ்ந்து  வருகிறார்கள்  இந்தச்  சமுதாய  மக்கள்  80 லச்சத்திருக்கு  மேல்  ஒரு  கோடி  வரையில்  தமிழ்நாட்டில்  இன்றைய  தினம்  வாழ்ந்து  வருகிறார்கள் .இப்போது  பின்தங்கிய  வகுப்பினர் ,மிகவும்  பின்தங்கிய  வகுப்பினர்  என்று  பிரிக்கப்பட்டுச்  சலுகைகள்  வழங்கப்பட்டு  வருகின்றன . இப்படிப்பட்ட  சலுகைகளை  வழங்கும்போது  நான்  ஏற்கனவேய  குறிப்பிட்டது  போல  மிகவும்  பின்தங்கிய  பொருளாதாரத்  துறையில்  ,கல்வித்துறையில் ,தொழில்துறையில்  மிகமிகப்  பின்  தங்கிய  மக்களுக்குத்  தாம்  அவர்களுக்கான  சலுகைகள்  கொடுக்கப்பட  வேண்டும் . ஆகவே  ,இன்று  அரசு  சலுகைகள்  வழங்குகின்ற  காரணத்தால்  உயர்ந்த  வகுப்பார்  கூடாது  தங்களை  எந்த  விதத்திலாவது  பின்தங்கிய  வகுப்பினர்  பட்டியலில்  சேர்த்துவிடக்  கூடாதா  என்று  எப்படியோ  தங்கள்  அதிகாரத்தைப்  பயன்படுத்தி , தங்களுடைய  செல்வாக்கைப்  பயன்படுத்திப்  பின்தங்கிய  வகுப்பினர்  பட்டியலில்  சேர்க்கப்பட்டு  அந்தச்  சலுகைகளை  பெற்று  வந்துவிடுகிறார்கள் . தமிழ்நாட்டில்  80 லத்திலிருந்து  ஒரு  கோடி  வரி  முத்துராஜா  குல  மக்கள்  இருக்கிறார்கள்  என்று  ஏற்கனவே  சொல்லி  இருக்கிறேன் . அவர்களில்  10 சதவீதம்  varai தவிர  மற்ற  அத்துணை  பேர்களும்  கூலிவேலை  செய்து  பிழைக்கக்   கூடிய  நிலையில்  தான் இருக்கிறார்கள்

குறிப்பாக  ஆதி  திராவிட  மக்களை  எந்த  அளவில்  மதிக்கிறார்களோ , அந்த  அளவிற்குத்  தான்  இவர்களையும்  மதிக்கிறார்கள் . அவர்களை  எந்த அளவிற்கு  வைத்திருக்கிறார்களோ  அந்த  அளவிற்க்குதான்  இவர்களும்  வைக்கப்பட்டிருக்கிறார்கள் . தஞ்சை  மாவட்டமானாலும்  சரி ,மதுரை  மாவட்டமானாலும்  சரி ,திருச்சி  மாவட்டமானாலும்  சரி ,கோவை  மாவட்டமானாலும்  சரி  இந்த  முத்துராஜா  இன  மக்கள்  மிகப்  பின்தங்கிய  முறையில்  வாழ்கிறார்கள்   நல்ல  உடை  உடுக்க  முடியாமல்  நல்ல  தொழில்  செய்து  பிழைக்க  வழியில்லாமல்  தனியார்  நிலங்களில்  கூலிவேலை  செய்து  நிலத்தைக்  குத்தகைக்கு  உழுதுகொண்டிருக்கிறார்கள் .பண்ணையாளர்களிடம்  பரம்பரையாக  அடிமைகளைப்போல  இருந்து  பணியாற்றிக்க  கொண்டிருக்கிறார்கள் , வேலை  செய்து  கொண்டிருக்கிறார்கள்  என்பதைத்  தெரிவித்துக்  கொள்ள  நான்  கடமைப்பட்டிருக்கிறேன் . எனவே  இந்த  முத்துராஜா  குல  மக்களுக்கு  தாழ்த்தப்பட்ட  மக்களுக்கு  அழைக்கப்படுகிற  சலுகைகள் ,மருத்துவக்  கல்லூரியில்  இடங்கள்  ஒதுக்குவது  போன்ற  பிற  சலுகைகளை ,தாழ்த்தப்பட்ட  மக்களுக்கு  அழைக்கப்படுகின்ற   எல்லாச்  சலுகைகளையும்  இந்த  முத்துராஜா  குல  மக்களுக்கு  அளிக்க   வேண்டுமென்று  கேட்டுக்  கொள்ள  நான்  கடமைப்பட்டு  இருக்கின்றேன் .

அடுத்து  மாண்புமிகு   உறுப்பினர்கள்  எடுத்துக்  காட்டியதைப்போல  IAS,IPS போன்ற  தேர்வுகளில்  பின்தங்கிய  வகுப்பைச்  சார்ந்த  மக்களுக்கு  வெற்றி  கிடைப்பது  முடியாத  காரியமாக  இருக்கிறது . ஜில்லாக் கலக்டர் , மற்ற  IAS போன்ற  பதவிகளுக்கு  அவர்களின்  பிள்ளைகள்  என்று  பாரம்பரியமாக   வருகிறதே  தவிர  பின்  தங்கிய  வகுப்பினருக்கு  கிடப்பது  இல்லை . கடந்த  ஆண்டு  பிற்பட்ட  நல ஆணைக்குழு  பரிசீலனை  செய்து  ஒரு  பட்டியலை  வெளியிட்டிருக்கிறது . ஒரு  கோடி   மக்கள்  தொகைக்கொண்ட  இந்த  முத்துராஜா  குல  மக்களில்  மொத்தம்  இதுவரை  படித்துப்  பட்டம்  பெற்றுள்ள  பட்டதாரிகள்  50 பேர்கள்  தாம்  இருக்கிறார்கள்  என்று   எடுத்துக்  கூறி  இருக்கிறார்கள் . என்ஜினீயர்கள்  ஒரு  லட்சம்  பேரில்  இந்தச்  சமுதாயத்தைச்  சேர்ந்தவர்கள்  10 பேர்கள்  தாம்  இருக்கிறார்கள்  என்று  சுட்டிக்காட்டி  இருக்கிறார்கள் .டாக்டர்கள்  5 பேர்கள்தாம்  இருக்கிறார்கள்   என்று  காட்டி  இருக்கிறார்கள் ,கால்நடை  மருத்துவர்  ஒருவர்தான்  இருக்கிறார் . இப்படி  மொத்தமாக  66 பேர்கள்  தாம்  பல்வேறு  துறைகளில்   இருக்கிறார்கள் . இதை  அமைச்சர்  பெருமக்கள்  எண்ணிப்பார்க்க  வேண்டும் . ஒரு  கோடி  மக்கள்  தொகையைக்  கொண்ட   ஒரு  சமுதாயத்தில்  இருந்து   இவ்வளவு
பேர்கள்  தாம்  பல்வேறு   துறைகளில்  பணியாற்றி  கொண்டு  இருக்கின்றார்கள் . ஆகவே  எந்த  அளவிற்குப்  பிற்போக்கான  தன்மையில்  இந்த  மக்கள்  இருக்கிறார்கள்  என்பதை   எண்ணிப்பார்க்கவேண்டும் . கல்வித்துறையில்  ,பொருளாதாரத்துறையில்   ,தொழில்துறையில்   மற்றச்  சமுதாயத்தினரோடு  வாழத்தக்க  முறையில்   அவர்களின்  நிலைக்கு  உயரத்தக்க  முறையில்  இந்த  முத்துராஜா  குல  மக்களுக்கு , அத்தனை  சலுகைகளையும்  வழங்க  வேண்டும்  என்று  கேட்டுக்  கொள்கிறேன் .மிக  மிகப்  பின்தங்கிய  தாழ்த்தப்பட்ட   வகுப்பு  மக்களுக்கு  என்னென்ன  சலுகைகள்  அளிக்கப்படுகின்றனவோ  அத்தகைய  சலுகைகள்  எல்லாம்  இந்த  முத்துராஜா  குல  மக்களுக்கும்  ஒதுக்கித் தரப்பட  வேண்டுமென்று  கேட்டுக்கொண்டு  என்  உரையை  முடிக்கிறேன் .
இந்த  கட்டுரையை  வெளியிட்டது : சென்னை  மாவட்ட  முத்துராஜா  கலைக்கழகம் . கழகத்திற்கு நன்றி .

Thanks to : பழனிவேலு சங்கிலிதேவன்